• |
ide | kryesore

Kancer në testikul për 24 vjeçarin e Hertha Berlin: Marco Richter i detyruar të ndalojë

-Instant, Sport

Hertha Berlin dhe futbolli gjerman janë tronditur nga një lajm: Marco Richter, sulmuesi 24-vjeçar i Hertha Berlin, do të detyrohet të ndalojë për t’iu nënshtruar një operacioni shumë delikat. Në fakt, pas një ekzaminimi urologjik, lojtari u diagnostikua me kancer testicular.


Për ta bërë edhe më tronditës, shërben fakti se Richter ditët e fundit ishte stërvitur rregullisht me pjesën tjetër të skuadrës dhe kishte marrë pjesë edhe në prezantimin e fanellave për sezonin e ardhshëm. 24-vjeçari, i cili u rrit në akademinë e të rinjve të Bayern Mynih, bëri debutimin e tij në Bundesligë me Augsburg dhe ka qenë me Hertha Berlin që nga vera e kaluar. Me klubin e kryeqytetit Richter bëri 31 paraqitje dhe 6 gola në Bundes.


Klubi i Berlinit njoftoi lajmin e keq në një deklaratë zyrtare: “Hertha BSC mori një lajm të trishtuar përpara udhëtimit të tyre në Angli. Marco Richter do të jetë përkohësisht i padisponueshëm: testet urologjike zbuluan një tumor testicular, i cili duhet të hiqet në mënyrë kirurgjikale. Mbetet për t’u bërë një diagnozë përfundimtare. Klubi do të përditësojë tifozët për progresin e Marcos kur të ketë më shumë informacion. Deri atëherë ne kërkojmë që të respektohet privatësia e Marcos”.


Lini një Përgjigje

Adresa juaj email s’do të bëhet publike.