Mes ofertës e kërkesës lëvizin ende 30 milionë euro, por Bayern Mynih duket se është optimist për De Ligt. Hasan Salihamidzic, drejtori sportiv i bavarezëve, shpjegoi situatën për Bild: “Ishte e rëndësishme që të uleshim në një tavolinë me Arrivabene, Cherubinin dhe Nedved. Unë kam qenë atje si lojtar për katër vjet dhe kam një marrëdhënie të mirë me klubin. Ne patëm dy biseda, tani duhet të jemi të duruar dhe të shohim se çfarë do të ndodhë.”
Ish-lojtari i Juventusit shpreson të mbyllë marrëveshjen sa më shpejt: “Ne do të bëjmë atë që është më e mira për Bayern Mynih. Mendoj se jemi në një pozicion të mirë për De Ligt për momentin, sepse kemi bërë tashmë disa gjëra. Kjo i bën gjërat më të lehta në merkaton e transferimeve”.
Problemi, megjithatë, janë shifrat: Juve kërkon nga 90 deri në 100 milionë euro, ndërsa bavarezët kanë ndalur në ofertën e parë prej 60, plus bonuset e mundshme. Distanca është e madhe dhe bardhezinjtë duhet të gjejnë edhe një zëvendësues për holandezin për të dhënë dritën jeshile, edhe për këtë arsye negociatat do të jenë të gjata dhe me pauza. Një lojë nervash mes dy klubeve, me Bayern që shpreson të ketë një zbritje sepse mbrojtësi do të shkojë në skadencë në 2024 dhe nuk ka ndërmend të rinovojë për momentin.