Qindra tifozë, kore dhe entuziazëm për ardhjet e reja. Interi prezantoi fanellën e re në mes të tifozëve zikaltër në zemër të Milanos dhe Romelu Lukaku ka qenë në gjendje të shijonte sërish dashurinë e tifozëve të tij të vjetër: “Kjo është sfida ime më e madhe sportive – komentoi ai – sepse bëra gabim që u largova. Ishte e drejtë të kthehesha dhe jam i lumtur që e vesh sërish këtë fanellë. Ne duam të fitojmë përsëri.”
Nëse falja e tifozëve do të arkivohet me arritjen e objektivave, Lukaku ka një mendim edhe për fushën e lojës: “Jam i lumtur që jam kthyer te Inter dhe do të bëj gjithçka për të fituar titullin kampion”.
Mes lojtarëve të pranishëm ishte edhe binjaku i golit të belgut, Lautaro Martinez, i vlerësuar nga tifozët ziklatër: “Jam i lumtur që kam qëndruar te Inter dhe sigurisht që do të jetë një sezon sfidues, por ne jemi gati të fitojmë sërish”.