12 qershori 2021 ishte dita më e keqe e jetës së tij, fare pranë vdekjes në fushë për shkak të një problemi në zemër. Pastaj fundi i lumtur, operacioni dhe gjashtë muajt në Brentford për të filluar të ndihej sërish një futbollist. Christian Eriksen tani është gati për skena të mëdha dhe për tre sezonet e ardhshme, në kohëzgjatjen e kontratës së re, Manchester United do të jetë ekipi i tij dhe Old Trafford shtëpia e tij.
Ish-mesfushori i Interit, të cilin zikaltrit u detyruan ta linin të lirë sezonin e kaluar për shkak të rregullave të FIGC që ndalojnë regjistrimin e lojtarëve me probleme në zemër edhe nëse asistohen mekanikisht si në rastin e Eriksenit, ka nënshkruar një kontratë trevjeçare me Djajtë e Kuq.
Christian Eriksen is a RED! ✍️🔴#MUFC || @ChrisEriksen8
— Manchester United (@ManUtd) July 15, 2022
“Unë kam ende ambicje të mëdha dhe shumë për të arritur. Ky është vendi i përsosur për mua – komentoi ai -, Manchester United është një klub i veçantë dhe mezi pres të fillojë”.