• |
ide | kryesore

Sulmi kibernetik, AKSHI njofton rikthimin e disa shërbimeve online

-Instant, Arkiva, Lajme, Të fundit

Sipas AKSHI-t, shërbimi online në Shqipëri po i rikthehet normalitetit, pas sulmit kibernetik të ndodhur pak ditë më parë.


AKSHI njofton sot se kanë nisur të funksionojnë disa shërbime, ndërsa vijon puna nga ekspertët e IT për të rikthyer funksionimin e të gjitha shërbimeve.


Lexo më tej: Dyshimet/ A po vjen nga Lindja e Mesme sulmi kibernetik mbi Shqipërinë? 

Megjithatë, faqet online, si “E-albania”, që ofron shërbimet online për qytetarët, apo Kryeministria dhe institucionet e tjera, ende vijojnë të jenë jashtë funksionit.

Njoftim për mediat: 

Kunderofensiva e AKSHI-t dhe aleateve ndaj sulmit kibernetik po ecen me ritme te shpejta dhe ne perputhje me planin e emergjences.

Pas një pune të jashtëzakonshme, prej 96 orësh papushim, nga ekipi i inxhiniereve dhe ekspertëve IT të AKSHI-t, ndihmës së skuadrës së Microsoft DART (Detection and Response Team) dhe partnerëve të “Jones Group International”, po kthehemi në normalitet.
Faqet zyrtare të ministrive dhe sistemi i Fiskalizimit janë rikthyer në funksion të plotë brenda 12 orësh.
Që prej ditës së djeshme është kthyer në funksion të plotë:
– Drejtoria e Përgjithshme e Shërbimit të Transportit rrugor me sistemin e lejeve të drejtimit dhe sistemin e targave;
– Drejtoria e Përgjithshme e Doganave;
– Fondi i Sigurimit të Detyrueshëm të Kujdesit Shëndetësor me sistemin e recetës elektronike;
– Agjencia Kombëtare e Barnave dhe Pajisjeve Mjekësore me sistemin e barnave.
Po punohet me intensitet për kthimin një e nga një të të gjitha shërbimeve që ofrohen në e-albania dhe rikthimin në funksionalitet të plotë të sistemeve të tjera.

Ndjekja e protokolleve të reagimit ndaj sulmeve kibernetike, izolimi i menjëhershëm i infrastrukturave dhe sistemeve qeveritare, që në momentet e para, bëri që sistemet qeveritare të dalin të paprekura.
Kjo rezultoi kundërpërgjigjia e duhur ndaj këtij sulmi masiv të pandodhur kurrë më parë ndaj vendit tonë.
Falenderojmë çdo qytetar, biznes, punonjës administrate, shtetas të huaj në Republikën e Shqipërisë, për durimin dhe mirëkuptimin në përballjen me këtë armik kibernetik të përbashkët.
Siguria kibernetike dhe ofrimi i shërbimeve publike online ka qenë dhe do të mbetet prioriteti ynë.

Lini një Përgjigje

Adresa juaj email s’do të bëhet publike.