Beyonce ka publikuar versionet a cappella dhe instrumentale të këngës së saj të re “Break My Soul”, një javë përpara publikimit të parashikuar të albumit të shtatë në studio, Renaissance.
Krahas versioneve të reja të këngës së saj, këngëtarja ka zbuluar edhe një version tjetër artistik të kopertinës së albumit.
Në qershor, Beyoncepërsëri bëri histori pasi “Break My Soul” u ngjit nga numri 15 në numrin 7 në listën e Billboard Hot 100, vetëm tre javë pas debutimit të tij.
Arritja e bëri artisten, gruan e parë që shënoi të paktën 20 rekorde në Top 10 si artiste solo, dhe artistja e tretë e të gjitha kohërave që kishte të paktën 10 hitet e Top 10 si anëtare e një grupi, sipas Billboard. Michael Jackson dhe Paul McCartney janë dy artistët e tjerë të vetëm që e kanë arritur këtë arritje.
Përpara “Break My Soul”, hiti më i fundit i Beyonce në Top 10 ishte një remix i këngës “Savage” të Megan Thee Stallion, e cila fitoi një çmim Grammy për këngën dhe performancën më të mirë rap.
Në qershor, Columbia Records njoftoi se albumi i shtatë në studio i saj do të publikohej më 29 korrik.
“Krijimi i këtij albumi më lejoi një vend për të ëndërruar dhe për të gjetur arratisje gjatë një kohe të frikshme për botën. Më lejoi të ndihesha e lirë dhe aventuriere në një kohë kur asgjë tjetër po lëvizte,” shkroi fituesja e Grammy në Instagram.
“Qëllimi im ishte të krijoja një vend të sigurt, një vend pa gjykim”, vazhdoi ajo. “Një vend për të qenë i lirë nga perfeksionizmi dhe mendimi i tepërt. Një vend për të bërtitur, lëshuar, ndjerë lirinë. Ishte një udhëtim i bukur eksplorimi. Shpresoj që të gjeni gëzim në këtë muzikë.”/Lapsi.al