• |
ide | kryesore

Kosova merr masa reciprociteti/ Nga 1 gushti i shton serbëve një dokument në kufi

-Instant, Arkiva, Lajme, Të fundit



Nga e hëna, më 1 gusht, shtetasit e Serbisë që do të hyjnë në Kosovë, do të pajisen me një ‘dokument hyrje/dalje’, pra shtetasit e Serbisë nuk do të mund të kalojnë me dokumentet e tyre.

Me anë të një njoftimi, Qeveria e Kosovës tregon se qytetarët serbë, nga 1 gushti, sapo të hyjnë në Kosovë, do të pajisen me një dokument “hyrje/dalje”.

“Bazuar në vendimin e Qeverisë nga mbledhja e 85 e saj, ju rikujtojmë se nga data 1 gusht 2022, çdo person që paraqitet për kalim të kufirit shtetëror të Republikës së Kosovës me dokument identifikimi personal të lëshuar nga autoritetet e Serbisë do të pajiset me Dokument Hyrje/Dalje”, thuhet në njoftimin e Qeverisë.

Kosova brenda territorit të saj i bën të pavlefshme dokumentet e lëshuara nga autoritetet serbe, si masë reciprocitetit ndaj shtetit që nuk i njeh dokumentet identifikuese të lëshuara nga Kosova.

Qeveria ka marrë vendim që të aplikojë reciprocitet ndaj qytetarëve të Serbisë, të cilët kur hyjnë në Kosovë do të pajisen me një fletëdeklarim që përkohësisht e zëvendëson përdorimin e dokumenteve zyrtare të identifikimit.



3 Comments

  1. Duhej,t’a kishit bere me kohe,ndonese keni edhe shume aresye te tjer,per t’i barazuar me veprimet,qe serbia,ben per njerezit dhe mjetet motorike te Kosoves,kur kalojne kufirin kosovar,drejt serbise.

  2. Duhej t’a kihit bere me kohe.Ndonese keni edhe shume veprime te tjera,qe duhet te barazoni,me veprimet qe bejne serbet,bile pa humbur kohe,veproni,per te gjitha tejkalimet qe ata bejne.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *