SPAK ka liruar ekuipazhin e anijes që erdhi nga Kolumbia ku u sekuestrua 59 kg kokainë brenda qymyrit. Ekuipazhi i përbërë nga rusë, filipinas dhe ukrainas tashmë mund të largohet nga vendi ynë ku mbahej i bllokuar prej 16 majit.
Ishte Shoqëria “MS Unistream & CO.KG” që disa javë më parë, kërkoi në Gjykatën e Posaçme të Apelit, heqjen e sekuestros së vendosur nga SPAK. Qymyri ishte porositur nga një kompani e huaj që operon në Shqipëri.
Anija e mallrave ishte nisur nga Barranquilla, një port në Kolumbi dhe mbërriti në Durrës pas 20 ditësh lundrim.
Ajo u vendos në Terminalin Lindor që shërben për ngarkim-shkarkimin e mineraleve mëngjesin e 16 majit dhe pas ndërhyrjes së policisë mes qymyrit u gjet droga. ©LAPSI.al