Gjykata e Posaçme ka caktuar “arrest në burg” për Bledar Zenelin, i arrestuar pak ditë më parë pasi kishte bërë thirrje për veprime terroriste. Zeneli me profesion murator u arrestua me urdhër të prokurorisë së Posaçme në bashkëpunim me anti-terrorin.
Nëpërmjet rrjeteve sociale dhe aplikacioneve te ndryshme “Facebook”, “Twitter”, “Telegram”, ai publikonte artikuj, materiale radikale, ekstremiste, propagandistike dhe statuse, në mbështetje të shtetit Islamik dhe kundra koalicionit global antiterrorizëm. 30-vjeçari Zeneli është mbajtur për 2 vite nën vëzhgim dhe prokuroria e Posaçme ka lëshuar urdhrin e arrestit mëngjesin e së martës.