Qyteti japonez, Hiroshima, ka kujtuar më 6 gusht sulmin e parë me bombë atomike të 77 vjetëve më parë.
Sekretari i Përgjithshëm i Kombeve të Bashkuara, Antonio Guterres, ka shfrytëzuar këtë ceremoni për të paralajmëruar kundër krijimit të armëve bërthamore.
Ai ka folur për rreziqet që vijnë nga kriza në Ukrainë, në Lindjen e Mesme, si dhe në Gadishullin Korean.
“Njerëzimi po luan me armë të mbushur”, ka thënë Guterres.
“Dhjetëra mijëra njerëz janë vrarë në këtë qytet sa hap e mbyll sytë. Gratë, fëmijët dhe burrat janë djegur në zjarr”, ka thënë ai.
Sot “krizat e lidhura me çështje bërthamore po përhapen shpejt – në Lindjen e Mesme, në Gadishullin Korean dhe si pasojë e luftës së Rusisë në Ukrainë”, ka thënë mes tjerash Guterres.
“Ne duhet të pyesim se çfarë kemi mësuar nga tymi që është përhapur në formë kërpudhe në këtë qytet?”.
Para agimit, të mbijetuarit e sulmit dhe familjarët e tyre kanë dërguar lule dhe janë lutur në vendin përkujtimor në Hiroshima.
Rreth 140,000 njerëz kanë vdekur si pasojë e bombardimit të Hiroshimas nga Shtetet e Bashkuara gjatë Luftës së Dytë Botërore, përkatësisht më 6 gusht të vitit 1945.
Në këtë shifër përfshihen edhe personat që kanë vdekur pas ekspozimit në rrezatim.
Tri ditë më vonë, bomba e dytë atomike është hedhur në qytetin Nagasaki, duke lënë të vdekur 70,000 persona.
Për pasojë, Japonia është dorëzuar më 15 gusht./Rel/
Nuk eshte deklarata e pare e Shefit te OKB – se Antonio Guterres mbi rrezikun e perdorimit te armeve berthamore ne vatra konflikti si Ukraine, Azi e Paqesor.
Por kjo e fundit ne diten e 77 vjetorit te hedhjes se bombes atomike ne Hiroshima eshte dritheruese, se te gjithe kane pare filma, dokumentare e kane lexuar apo degjuar per pasojat shkaterrimtare tek japonezet per dekada…
Por nuk mjafton te japesh alarmin per rrezikun e tyre ne ditet tona, aq me teper OKB nga Nju Jorku.
Pas ketij njoftimi, cfare duhet te bejne popujt? Te ngrihen kunder atyre qe i kane armet berthamore dhe kercenojne me to? Apo edhe te kuptojne se sa te pafuqishme jane organizmat nderkombetare dhe politikanet qe i drejtojne.