• |
ide | kryesore

Tragjedia në Potam, mjetet lundruese vazhdojnë të mos respektojnë zonën e kufizuar

-Instant, Lajme, Të fundit



Pavarësisht tragjedisë të ndodhur vetëm 5 ditë më parë, ku Jonada Avdia, vogëlushja 7-vjeçare u godit për vdekje nga skafi i drejtuar nga polici Arjan Tase, mjetet lundruese vijojnë mos respektojnë zonën e kufizuar.

Policia e Vlorës, ditën e djeshme ka bllokuar 3 mjete lundruese, 1 gomone dhe 2 “Jet Ski.”

Pronari i njërit prej mjeteve lundruese, i cili nuk ka respektuar zonën e kufizuar për mjetet lundruese, po në Potam të Himarës ku ndodhi tragjedia është ndëshkuar me masë administrative 100.000 lekë.

“Shërbimet e DVKM Vlorë, në bashkëpunim me shërbimet e DVP Vlorë, në vijim të kontrolleve të mjeteve lundruese, duke marrë shkas dhe nga pamjet filmike të publikuara ditën e djeshme, në rrjetet sociale, në të cilat shfaqej një mjet lundrues tip gomone, me të cilin po transportoheshin pasagjerë, në një zonë të kufizuar për mjetet lundruese, në plazhin e Potamit, Himarë, kanë bërë të mundur lokalizimin e tij. Pas lokalizimit të mjetit lundrues tip gomone, në bazë të ligjit nr.43/2020 datë 23.04.2020, neni 6, u ndëshkua me masë administrative 100.000 lekë të rinj, pronari i mjetit lundrues, shtetasi V. P., 50 vjeç dhe u bë bllokimi i këtij mjeti, në portin e Himarës”, informuan blutë e Vlorës.

Gjithashtu, në vijim të kontrollove, në Himarë, u bë bllokimi dhe i 2 mjeteve të tjera lundruese “Jet ski”, në pronësi të shtetasit F. B., me qëllim kontrollin për dokumentacion, si dhe për verifikim nga Seksioni i Trafiqeve në DVP Vlorë.

Pas ngjarjes tragjike të ndodhur më 2 gusht, policia ka filluar një aksion në gjtihë bregdetin shqiptar duke bllokuar gjithë mjetet lundruese me shkelje, pa dokumentacion por edhe ato që janë shqetësim për pushuesit.

Por edhe pse u kujtua vetëm pas tragjedisë së Himarës, me sa duket masat dhe paralajmërimet nuk kanë qenë efektive.



5 Comments

  1. “Por edhe pse u kujtua vetëm pas tragjedisë së Himarës, me sa duket masat dhe paralajmërimet nuk kanë qenë efektive.” –

    Masat jan efektive kur zbatohen vazhdimisht dhe rriten në përpjestim me përsëritjen e shkeljes, si dhe përveç gjobës edhe disa muaj burg…. Nuk bën vaki më!!

  2. Po nuk pati ndeshkueshmeri , nuk ka demokraci . Demokracia eshte forca e verber e ligjit ndaj gjithkujt qe e shkel ligjin . Ne jemi ne anarshi , prandaj edhe ligji nuk godet . Edhe nese godet , godet me te vobektin por kurrsesi te fortin apo pushtetarin . Rregullat e barabarta te lojes , ndryshimet kushtetuese dhe ndeshkueshmeria jane treguesit e nje demokracie te vertete .

  3. “Rregullat e barabarta te lojes , ndryshimet kushtetuese dhe ndeshkueshmeria jane treguesit e nje demokracie te vertete” ————— Sakte fare , kete duhet te arrijme medoemos ne si popull

  4. KUR DO TA KUPTOSH O SHTET SHKERDHATE QE TE PASURIT NUK I KANE QEJF KUFIJTE E RREGULLAT

    KONTROLLO O SHTET KAR CDO TE PASUR DHE KE PER TE ZBULUE SHUME

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *