Një aksident i rëndë ka ndodhur paraditen e sotme në aksin Lezhë-Shkodër, në afërsi të fshatit Piraj. Mësohet se një automjet tip “Furistradë Mitsubish” është përplasur me një “Audi A6.” Shkak dyshohet se ka qenë një parakalim i gabuar i Audit, me targa të Kosovës.
Si pasojë e përplasjes së dy makinave dyshohet se kanë mbetur të plagosur 4 persona, mes tyre dhe një fëmijë. Të plagosurit janë transportuar me urgjencë në spitalin e Lezhës, ndërsa fëmija ndodhet në gjendje të rëndë.