Presidenti serb Aleksandar Vuçiç është në gjendje të krijojë konflikte ushtarake nëpërmjet strukturave ilegale, si dorë e zgjatur e Vladimir Putinit, e të manipulojë masat për të qëndruar në pushtet. Kështu shkruan media kroate Glas Istra, duke shtuar se Vuçiç së bashku me Milorad Dodikun, në momente kritike është në gjendje të manipulojë, gënjejë dhe t’i shmangë vendimet e mëdha.
“Si dorë e zgjatur e Vladimir Putinit, ashtu si Milorad Dodik, pa shumë probleme, vetëm për të homogjenizuar popullin dhe për të ruajtur pushtetin, ai mund të krijojë përshkallëzime”, shkruan media kroate.
Aty thuhet se Vuçiç është një njeri i rrezikshëm me synime që shkojnë deri në inskenimin e një konflikti ushtarak.
“Vuçiç nuk është vetëm president i një shteti që e ka të vështirë të menaxhojë në momente kritike dhe për këtë arsye manipulon, gënjen dhe shmang marrjen e vendimeve të vështira. Jo, ai është një njeri jashtëzakonisht i rrezikshëm me synime edhe më të rrezikshme që shkojnë aq larg sa për të qëndruar në pushtet, ai është në gjendje të inskenojë një konflikt [ushtarak] përmes një atmosfere të krijuar me kujdes për ‘rrezikimin e serbeve në Kroaci’ ose në Kosovë, ose në Mal të Zi, ose në Bosnje e Hercegovinë”, vazhdon gazeta.
Media shton se ai është në gjendje të krijojë retorikën për “denazifikimin” e Kosovës, e përdorur nga Putini me arsyetimin për ta sulmuar ushtarakisht Ukrainën.
“Ai është në gjendje të riformësojë frazën më të rrezikshme të prodhuar nga administrata e Putinit, e cila është ajo për ‘denazifikimin’ e Ukrainës, në ‘denazifikimin’ e Kroacisë ose të Kosovës, ose Malit të Zi, ose Bosnje e Hercegovinës. Andaj, duhet shpëtuar nga çmenduria e ‘popullit serb të rrezikuar’”, shton kjo medie.
Në fund, aty thuhet se Vuçiç po e helmon popullin serb në bashkëpunim me “kukullat” si Ivica Daçiç dhe Aleksandar Vulin.
“Ky njeri po i çmend dhe i helmon popullin e tij në bashkëpunim me kukullat si Ivica Daçiç dhe Aleksandar Vulin. Kryeministrja Ana Brnabiç është një gjethe fiku. Ai po e përdor orientimin e saj seksual për të treguar tolerancë të rreme ndaj dallimeve. Në sfond është edhe neofashisti Vojsllav Sheshel”, përfundon media kroate. /kp/
I paskan bere nje pasqyre shume te sakte Vucos. Edhe kur thote qe kryeministren lesbike e perdor si gjethe fiku, per ta paraqitur si liberal nje mentalitet te nje populli ultra shovinist. Kroate, koha ti biem Vucicit/Serbise tani, para se te rikuperojne terren sic me mjeshteri ata mund ta bejne.Dhe patjeter duhet bere gjate luftes Ukraine-Rusi, dhe te pakten 1 vit pa i mbaru mandati i pare Biden(se vitin e fundit te mandatit te pare, mos te shpresoje kush se serbet do bejne dialog, ata thjesht do e zvarrisin, me shprese se mos u vjen Grenell ne administraten e ardhshme)
A e lexojne shtypin kroat ne LDK e PDK?
Mediat ne Kosove duhet te japin shkrimet qe publikohen ne Kroaci, sepse shqiptaret do te mesonin me shume per cfare ndodh rreth tyre.
Ska nevoje o shok, se i njohim serbet mire, edhe me mire se mediat kroate.
Modrici shet ndeshjet