Britney Spears sqaroi së fundmi se ajo e pyeti planifikuesin e saj të dasmës nëse mund të martohej me Sam Asghari, në një kishë katolike – por kurrë nuk paraqiti një kërkesë zyrtare vetë.
“Kishte shumë reagime duke thënë se unë kurrë nuk kërkova të martohesha në kishën që fotografova… Po e shkruaj këtë sepse kisha tha se nuk e pyeta kurrë”, shkroSpears, në një postim në Instagram të hënën.
Ajo shpjegoi se punësoi një planifikues dasmash “jashtëzakonisht të shtrenjtë”, i cili më parë kishte punuar për shoqen e saj Madonna dhe se “kërkesa e saj e parë ishte të martohej” në kishën katolike të Shën Monikës në Santa Monica, Kaliforni.
“Ishte e vetmja foto që kisha dhe ia dërgova nëpërmjet telefonit tim n… Më thanë 6 javë më vonë… nuk mund të martohesha atje.Gjatë 2 viteve të Covid, unë doja të shkoja atje , por më thanë jo për shkak të pandemisë… nuk ka problem, por nuk më pëlqen të më quajnë gënjeshtare kur kisha e tyre thotë se nuk kam pyetur kurrë”, shtoi artistja.
Në fillim të këtij muaji, Britney postoi një foto të brendshme të kishës katolike të Shën Monikës dhe tha se nuk i lejohej të martohej atje me Asghari sepse nuk është katolike.
“Ky është vendi ku unë fillimisht doja të martohesha gjatë COVID !!!!” shkroi ajo në atë kohë. “Doja të shkoja çdo të diel… është bukur dhe ata thanë se ishte mbyllur përkohësisht për shkak të COVID . Pastaj 2 vjet më vonë kur doja të martohesha atje më thanë se duhej të isha katolike dhe të kaloja një test. A nuk supozohet se kisha është e hapur për të gjithë ?”
Menjëherë pas kësaj, një përfaqësuese për të njëjtën kishë në Kaliforni i tha TMZ se ata kishin kontrolluar të dhënat e tyre dhe Spears nuk e vizitoi kurrë kishën as nuk u kërkoi atyre të organizonin dasmën e saj.
Zëdhënësja shpjegoi se fotografia që këngëtarja kishte postuar në Instagram ishte kapur nga një transmetim live dhe nuk e kishte fotografuar vetë.
Spears dhe Asghari përfunduan duke u martuar në oborrin e shtëpisë së saj në Thousand Oaks, Kaliforni, në qershor. Të ftuarit në dasmë përfshinin Madonna, Paris Hilton, Drew Barrymore, Selena Gomez dhe Donatella Versace./Lapsi.al
https://www.instagram.com/p/ChBgGT7LyGD/