Shtesa natyrore e popullsisë pasqyron trend pozitiv në tremujorin e dytë 2022 me 468 lindje më shumë se sa vdekje.
Sipas INSTAT numri i lindjeve për tremujorin e dytë 2022 është 5.384, duke shënuar një rënie me 14,8%, krahasuar me tremujorin e dytë 2021.
Numri i vdekjeve për tremujorin e dytë 2022 është 4.916, duke shënuar një rënie prej 19,4%, krahasuar me tremujorin e dytë 2021.
Në tremujorin e dytë 2022, pesë qarqe të vendit kanë shënuar shtesë natyrore pozitive të popullsisë, ndërsa në shtatë qarqet e tjera, shtesa natyrore e popullsisë pasqyrohet negative
Në tremujorin e dytë 2022, qarku me shtesën natyrore më të lartë është Tirana, me 821 lindje më shumë sesa vdekje, ndërsa qarku me shtesën natyrore më të ulët është Korça, me 193 vdekje më shumë se sa lindje.
Lindjet
Në tremujorin e dytë 2022, të gjitha qarqet e vendit shënuan ulje të numrit të lindjeve, në krahasim me tremujorin e dytë 2021.
Në tremujorin e dytë 2022, qarku me numrin më të lartë të lindjeve është Tirana me 1.940 lindje, ndërsa qarku me numrin më të ulët është Gjirokastra me 85 lindje. Rënien më të vogël në përqindje të lindjeve gjatë tremujorit të dytë 2022 krahasuar me të njëjtën periudhë të vitit 2021 e zë qarku i Beratit me 9,0%, ndërsa rënien më të madhe e ka qarku i Vlorës me 25,4%.
Vdekjet
Në tremujorin e dytë 2022, të gjitha qarqet e vendit shënojnë ulje të numrit të vdekjeve, në krahasim me tremujorin e dytë 2021.
Në tremujorin e dytë 2022, qarku me numrin më të ulët të vdekjeve është Kukësi me 97 vdekje, ndërsa qarku me numrin më të lartë është Tirana me 1.119 vdekje. Uljen më të madhe në përqindje të vdekjeve gjatë tremujorit të dytë 2022, krahasuar me të njëjtën periudhë të vitit 2021, e zë qarku i Kukësit me rënie prej 30,2%./ Monitor
Me pak skllever ne sherbim te komunisteve.
Pra me mire qe ka me pak lindje.
Ne fakt ka me shume lindje jasht Shqiperise, kjo eshte ngjarja me e mire pertej atyre qe bejne shkollen ne Shqiperi dhe e perfundojne jashte.
Pertej ironise, (se sbesoj se e ke me vertete),po e vertete qe ka me shume indje jashte, por me shume shanse ke te mbash brenda Shqiperise, pa emigru, keta qe lindin dhe rriten en Shqiperi, se sa te kthesh per te jetu ne Shqiperi ndonje femije emigranti qe ka lind jashte. Mos te flasim pastaj qe disa as su mesojne shqip femijeve, e nje pjese shume e madhe martohen me te huaj, pra brez pas brezi njefare asimilimi e qe ndoshta pas 3-4 brezash as se pranojne qe jane shqiptare…. Mire ndonje krahine malore qe ska shume prespektive per jetese te mire, por e tmerrshme se si nje vend super turistik si Vlora, mund te depopullohet ne kete gjendje. Dhe te mendosh qe ky trend do vazhdoje, aq sa edhe Serbise i erdhi radha te beje plane per te marre nga Shqiperia nepermjet Open Ballkan,rreth 20 000 mjeke,infermiere e teknike profesional te fushave te tjera, kjo eshte per tu alarmu
Skeni pare gje akoma…