• |
ide | kryesore

Inzaghi, ‘mbreti’ i minutave shtesë në Serie A: fitorja numër 10 për teknikun pas kohës së rregullt

-Instant, Sport

Kundër Lecce ka mbërritur një tjetër fitore me kohën e rregullt të përfunduar, e dhjeta në karrierë për trajnerin nga Piacenza mes Lazios dhe Interit. Që ku vëllai i Pippos është trajner në Serie A, nga sezoni 2015/16, asnjë trajner tjetër nuk ka mundur të bëjë më mirë se ai. Precedentët madje konfirmojnë se skuadra zikaltër bëhet shumë e rrezikshme në minutat shtesë…


E fundit e provoi Lecce që pa barazimin t’i ikte nga duart në minutën e 94’ nga Dumfries: 4-2-4 me të cilin Inter provoi forcing-un final, rodhi nga 3-4-1-2, por me Dzekon trekuartist, diferencë aspak e vogël, i rreshtuar gjysmë ore nga fundi: nga ai moment Inter ndërroi marshin duke krijuar raste të përsëritura deri te goli i Dumfries, në minutën e 94-të.


Sezonin e kaluar fitorja finale 2-1, në shtëpi, kundër Venzias erdhi me golin e Dzeko në të 90′, por rekordin e minutave të fundit tekniku e arriti në 2020-21, kur ishte ende në pankinën e Lazios: Immobile fundosi 1-0 Parmën në të 95′. Verona e pësoi dy minuta pas kohës së rregullt me Milinkovic që vendosi ndeshjen 0-1. Akoma më ikonike është fitorja me përmbysje 3-4 në shtëpinë e Torinos, me Immobile që barazoi në të 95′ e Caicedo që mori tre pikët në shtëpi në të 98′. Edhe në sezonin 2019-20 bardhekaltrit e Inzaghit dinin t’i shfrytëzonin mirë minutat shtesë: Brescia u dorëzua 1-2 në minutën e 91′ në golin e Immobiles, ndërsa përmbysi Cagliarin 1-2 me Luis Alberton në të 93′ e Caicedo pesë minuta më pas. Caicedo ishte sulmuesi i minutave shtesë edhe në sfidën me Sassuolon, që u dorëzua 1-2 në minutën e 91′. Një ‘ves’ që sulmuesi e kishte marrë me vete që nga sezoni 2017-18 kur dënoi Sampdorian me rezultatin 1-2 në të 91′, ndërsa në sezonin 2016-17, Immobile mposhti Crotonen 1-0 sapo skadoi koha e rregullt.


Lini një Përgjigje

Adresa juaj email s’do të bëhet publike.