Oleksandr Usyk ka marrë një fitore tronditëse me vendim të ndarë kundër Anthony Joshua, për të mbrojtur titujt e tij WBA, WBO dhe IBF, ndërsa i shtoi edhe titullin e Ring Magazine koleksionit të tij. Vetëm një nga arbitrat i dha të drejtë Joshua 115-113, ndërsa Usyk, që do të ndeshet tashmë me kampionin e WBC Tyson Fury, ka marrë pikët e dy të tjerëve 115-113 dhe 116-112.
Rezultat që britaniku nuk e ka pritur mirë dhe sjellja e tij në përfundim të takimit ka qenë shumë e cuditshme. Joshua iu afrua kampionit ukrainas duke i thënë: “Ti nuk je i fuqishëm, si më munde? Si?
JOSHUA CONFRONTS USYK AFTER DEFEAT 😳😳 pic.twitter.com/vFTYbgCoPb
— Sky Sports Boxing (@SkySportsBoxing) August 20, 2022
Pastaj Joshua e la veten të shprehet me një monolog të çuditshëm në mikrofon pasi humbi ndeshjen e revanshit me vendim të ndarë ndaj Oleksandr Usyk … por jo më parë se të largohej nga ringu, duke hedhur rripat dhe duke u turpëruar para publikut që shprehu pakënaqësi për veprimin e tij.
Anthony Joshua ishte i acaruar pas humbjes së tij në kampionatin e peshave të rënda, në ndeshjen e zhvilluar në Arabinë Saudite të shtunën. Boksieri britanik humbi për herë të dytë ndaj ukrainasit gjë që nuk mundi ta pranojë. Joshua hodhi dy nga rripat e Usykut nga ringu përtokë dhe u drejtua për në dhomën e tij të zhveshjes përpara se të kthehej me vrull për t’i dhënë dorën Usyk.
Situata e cuditshme vazhdoi kur Joshua mori mikrofonin dhe filloi një përçartje të pakuptueshme, duke diskutuar për luftën, karrierën e tij, krizën e vazhdueshme në Ukrainë dhe gjithashtu brohoriti Usyk: “Nuk e di cpo ndodh në vendin tënd, por nuk është e mirë”.
"𝐔𝐍𝐃𝐄𝐑𝐒𝐓𝐀𝐍𝐃 𝐓𝐇𝐄 𝐏𝐀𝐒𝐒𝐈𝐎𝐍!" 💯
Anthony Joshua takes the microphone to vent his frustrations before congratulating Oleksandr Usyk 🎤#UsykJoshua2 pic.twitter.com/KPlmjRDm4k
— Sky Sports Boxing (@SkySportsBoxing) August 21, 2022