Në korrik, në vend kanë hyrë 1.4 milionë shtetas të huaj në vendin tonë, duke shënuar numrin më të lartë të regjistruar ndonjëherë.
Të dhënat u bënë të ditura nga INSTAT, në raportin për lëvizjet e shtetasve. Në krahasim me të njëjtën periudhë të një viti më parë, hyrjet e shtetasve të huaj u rritën me 21%. Edhe në raport me 2019-n, që deri tani ishte viti më i mirë turistik, rritja është rreth 19.2%.
Për periudhën janar-korrik 2022, në vend kanë hyrë 3.96 milionë shtetas të huaj, edhe ky një nivel rekord. Sërish hyrjet janë 19.4% më të larta edhe në raport me para-pandeminë dhe gati 40% më të larta sesa e njëjta periudhë e një viti më parë.
Sipas INSTAT, 97% e hyrjeve të shtetasve të huaj në korrik janë për pushime, vizitë tek të afërm, trajtime shëndetësore. Pjesa tjetër janë tranzit, për qëllime fetare ose personale.
Të dhënat e mëparshme të INSTAT, që i përkasin muajit maj treguan se atë muaj, vetëm 11% e shtetasve të huaj që hynë në vend qëndruan në struktura akomoduese të regjistruara, si hotele, motele, apo kampingje.
Nuk publikohen më të dhënat e hyrjeve sipas shteteve
Për herë të parë që nga fillimi i publikimit të lëvizjeve të shtetasve, INSTAT nuk ka dhënë tabelën e hyrjeve sipas shteteve. Ndërkohë, nga qershori nuk regjistrohen as hyrjet e shtetasve të Kosovës që vijnë me pushime, pas një vendimi të përbashkët të dy qeverive për të lehtësuar lëvizjen e turistëve në verë. INSTAT nuk ka sqaruar në publikim se si i llogarit tashmë hyrjet e shtetasve nga Kosova, që normalisht zinin 33% të totalit.
Sipas publikimit të INSTAT, në tekst thuhet se në Korrik 2022, nga vendet që kanë hyrjet më të larta të shtetasve në Shqipëri, Spanja ka pasur rritjen më të madhe me 3,8 herë dhe Italia me 48,0 %, krahasuar me Korrik 2021.
Gjatë shtatë mujorit 2022, nga vendet që kanë hyrjet më të larta të shtetasve në Shqipëri, Spanja ka pasur rritjen më të madhe me 4,5 herë dhe Greqia me 3,0 herë, ndërsa Zvicra ka pasur rritjen më të ulët me 4,2 %, krahasuar me të njëjtën periudhë të vitit 2021./Monitor
NJE GENJESHTER ME BISHT
E NISI BERISHA PO E BITIS KY IDIOTI
Informacion per dizinformacion. Kudo dhe Cdogje.
Fale Sorrosit jetojme ne epoken e dizinformimit keto 10 vitet e fundit.
Duhet te lexosh 20 here ne internet burime te ndryshme per te kuptuar nje te vertete.
Ty edhe Lapsin ta lexojne te tjeret jo te lexoshe 20 artikuj ne gazeta te ndryshem per nje ceshtje, jeni bere si stilolaps kinez qe shkruani edhe ti bene gishtat pis
Ua Goni, po cke me kinezet bre lalke?
Per dijenine tende, 99.98 % e stilolapsave te botes ne Kine prodhohen.
Ndonje mendim per temen ke?
Qeveriu thote se vetem 11 % e ketyre “turisteve” kane fjetur ne struktura akomoduese si hotele, motele e kampingje, cfare lloj turistesh jane keta?