• |
ide | kryesore

Aksidenti në Roterdam, rritet numri i viktimave

-Instant, Lajme, Planet



Numri i viktimave nga aksidenti në Rotterdam, ku një kamion përplasi një një grup njerëzish që po darkonin jashtë afër Roterdamit, është rritur në gjashtë.

“Tani kemi gjashtë persona të vrarë dhe shtatë të plagosur, njëri në gjendje të rëndë, pas aksidentit të djeshëm”, tha zëdhënësja e policisë Miriam Boers.

“Ne ende po hetojmë saktësisht se çfarë ka ndodhur”, shtoi ajo.

Policia fillimisht përjashtoi mundësinë e një akti terrorist. Një raport fillestar i aksidentit që ndodhi mbrëmë në Zuijndsedik, rreth 30 kilometra në jug të Roterdamit, tha se të paktën dy persona u vranë dhe disa u plagosën.

Sipas policisë, kamioni doli nga rruga e tij dhe u përplas me një grup njerëzish që merrnin pjesë në një Barbecue të organizuar nga një ekip lokal patinazhi.

Shoferi 46-vjeçar i kamionit me targa spanjolle nuk ka pësuar lëndime. Ai është arrestuar në vend dhe është dërguar në komisariat.

Boers sqaroi se shoferi nuk ishte nën ndikimin e alkoolit. Policia ka apeluar që dëshmitarët të ndihmojnë në hetimin e tyre.

Një zëdhënës i punëdhënësit të shoferit, kompania spanjolle e transportit El Mosca, i tha gazetës spanjolle La Verdad se kamioni u përmbys për të shmangur një përplasje me një furgon.

Policia nuk e konfirmoi raportin, por tha se po merrte në pyetje shoferin e një furgoni të bardhë si dëshmitar.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *