2-0 ka fituar Tirana në sfidën me Egnatian në kuadër të javës së dytë të Superiores. Skuadra bardheblu ka mposhtur rrogozhinasit në një ndeshje e cila është shenjuar edhe nga një ndalesë prej 10 minutash për shkak të një dëmtimi të rëndë të Qefaliajt.
Gjithçka ka ndodhur në minutën e 33-të të takimit, ku pas një përplasjeje në fushë me futbollistin e vendasve, Ojediran Hmazat, Klevi Qefalija i Tiranës ka mbetur pa ndenja në fushë dhe i gjakosur. Lojtari është transportuar menjëherë në spital, nga ku 10 minuta më pas ka mbërritur edhe lajmi se ai ishte përmendur, dhe loja ka rinisur.
Për sa i takon ndeshjes, një gol i Kallakut në pjesën e parë dhe një i Hasanit në të dytën i kanë dhuruar fitoren Tiranës ndaj Egnatias, të cilët edhe pse krijuar lojë dhe raste, nuk u treguan të saktë në momentet vendimtare përballë Bekajt.
Pra Tirana ka marrë suksesin e parë në kampionat dhe pas dy javësh ngjiten në kuotën e 4 pikëve, ndërsa Egnatia është ende në kërkim të pikës së parë në Superiore.