Çështja ka shpërthyer dhe nuk tregon asnjë shenjë se ka ndërmend të zbehet: Mathias Pogba vazhdon të hedhë akuza kundër vëllait të tij Paul përmes mediave sociale, ndërsa FranceInfo publikon një prapaskenë të re mbi grindjen familjare në shtëpinë e mesfushorit të Juventusit. “Rrezikova të vdisja për shkakun tënd, më le vetëm duke ikur dhe bën sikur je i pafajshëm. Do të më futësh edhe në burg. Kur të zbulohet gjithcka, kushdo do ta kuptojë se nuk ka njeri më frikacak në botë, tradhtar dhe hipokrit se ty”, ishte postimi i vëllait të madh të Pogba.
Siç ndodh shpesh, është cështje parash. Marsin e kaluar, Paul dyshohet se u rrëmbye në një apartament në Paris, atje – i kërcënuar nga dy njerëz të armatosur – iu kërkua një shpërblim prej 13 milionë eurosh, një për çdo vit karriere, gjatë të cilëve ky grup njerëzish, përfshirë pikërisht të vëllain e tij Mathias, e kishin mbrojtur.
Prapaskena e re e zbuluar ka lidhje me Kylian Mbappé: sipas FranceInfo, mesfushori i Juves ka paguar një magjistar për të mallkuar sulmuesin e PSG-së, i cili është bërë ylli i vërtetë i kombëtares franceze. Gjë që Paul e ka mohuar para hetuesve kur denoncoi të vëllain. Mathias, nga ana e tij, ka shtuar edhe detaje të reja për këtë histori, gjithmonë në Tëitter, duke iu drejtuar Mbappe: “Nuk kam asgjë kundër teje, nëse flas për ty është për të mirën tënde. Magjia është e vërtetë, më vjen keq për këtë vëlla (Paul, ed), një musliman që beson në magji. Nuk është kurrë mirë të kesh një hipokrit në krahun tënd”.
Hahahaha, ce que j'attendais est arrivé : mon petit frère qui commence enfin a montré son vrai visage. Puisque c'est lui qui a commencé a parlé pour mentir à la police et qui fait sortir l'info, on pourra rien me reprocher.👇🏿https://t.co/rwnmaLtiHs
— Mathias Pogba (@LeMathiasPogba) August 28, 2022