• |
ide | kryesore

Artan Hoxha: Ervis Martinaj pushoi 1-5 gusht në Dhërmi, për herë të fundit u pa në…

-Instant, Arkiva, Lajme, Të fundit



Gazetari Artan Hoxha ka treguar lëvizjet e fundit të Ervis Martianjt. Në emisionin “Opinion”, Hoxha tha se në datën 1 gusht deri në 5 gusht Martinaj ka qenë me pushime në Dhërmi si një qytetar i lirë edhe pse ishte në kërkim ndërkombëtar.

Hoxha thotë se pasditen e 5 gushtit Ervis Martinaj ka shkuar në Durrës dhe më pas pranë një qendre tregtare në Tiranë. Ndërsa më 9 gusht ka shkëputur komunikimet me familjarët më të cilët sipas tij, komunikonte çdo dy orë. Gazetari tha se Policia vijon të hesht për rastin, ndërsa video që tregojnë lëvizjet e Ervis Martinajt i kanë gjetur familjarët dhe jo autoritetet.

“Unë nuk jam i prirur t’i besoj institucioneve të cilat janë të përfshira dhe nuk mund të fshihen. Që institucionet janë të përfshira është që në ditën e parë kur një drejtues i Policisë së Shtetit ka kërkuar të bisedojë me familjarët, por të ketë dhe mediat me vete.

Jemi në kushtet e rrëmbimit, dhe ka bërë çfarë ka bërë ai e dënon gjykata. Besimi i familjarëve tek institucionet janë zero. Kamerat i kanë gjetur familjarët, asnjë nuk ka gjetur policia. Ata e kanë ngritur dhe shqetësimin.

Ka një itinerar, në datën 1 gusht ne jemi takuar bashkë ne rivierë, unë në Borsh, ti në Plasës ai ka qenë në Dhërmi. Nga data 1 deri në datën 5 ai ka qenë në Dhërmi ka bërë plazh. Në datën 5 pasdite është shfaqur tek hotel “Adriatiku” në Durrës.

Ditën e shtunë e ka marrë shoferi ka shkuar në “Ring Center” pastaj në një lokal përballë QTU-së. Sa i rëndësishëm është e tregon numri i të vrarëve. Ai nuk ka lëvizur me eskortë. Deri në datën 9 ditë e martë ai ka pasur kontakt.

Martinaj kishte një element të veçantë, orari më i gjatë që rrinte pa komunikuar me familjen ishte çdo dy orë. Ai kishte një celular që ishte shumë i vështirë për tu përgjuar, plus që ai vjen nga një familje, babai dhe nëna kanë mbaruar për ekonomi financë.

Në orën 17:00 të ditës së martë ai është interesuar për një luan dhe është interesuar që a ka shkuar njeri për ta ushqyer. Komunikimi i fundit ka qenë me babain e Brilantit në orën 19:03.

Thonë që ai fshihej në një kullë, në fakt ai hidhte valle nëpër Tiranë sepse kishte informacion dhe përfitonte se askush nuk e njihte. Martinaj ka dërguar dy SMS më datë 9 gusht, ku SMS i parë lidhet me ushqimin e këlyshit të tigrit që ai ka në shtëpi. Pastaj u dërgua edhe një SMS tjetër ku pyeste për familjarët. Pastaj nuk ka më gjurmë të tij” – tha Hoxha.

“Familjarët kanë bërë komunikime me njerëz dhe miqtë pasi shkëputi kontaktet. Në datën 9 ndërpret komunikimet. Martinaj kundërshtarët më të mëdhenj kishte ortakët e vet. Por, një skuadër e veshur me uniformat policisë speciale e kanë rrëmbyer në një banesë.

Në momentin e parë personat që e shoqëronin mendonin se ishte policia. Nga ai moment janë disa pista, gjurmët e fundit janë në Vlorë, ka element që ai ka qenë në Vlorë”, – tha Martinaj.



4 Comments

  1. Me gjasa, tekstet e fundit personi mund te mos i kete nisur vete ose mund te kete qene nen presion per tu bere i besueshem qe ishte ai ne kontroll te telefonit. Artan Hoxha mund te krahasoje rastin me barbarizmin vite me pare ndaj ish zyrtarit te SHISH. Durrsi eshte pyetja dhe pergjigjia dhe ato me kontroll politiko-kriminal mbajne pergjegjesi.

    Nese eshte i vertete lajmi se operacionali Lami informoi per mese dy ore ish drejtorin Nano dhe me pas vjen shkarkimi demonstrativ , zor te gjesh ne bote skenar te ngjashem qe nuk eshte tipik mafioz.

    Nuk ka ndonje vend tjeter ne BE ku kreu i qeverise gjithe ditet e javes bredh neper Evrope dhe Azi, ndersa mbledhjet ne zyre i ben pa gedhire mire ose ne te ngrysur. Eshte e frikshme tek sheh sesi nje mafiozo-biznesmen Luca familjarisht nen kontrollin e ish UDB jugosllave, eshte ne fakt fantazma kryeministrore e Shqiperise.

  2. Ore artan. Po si ore pushime qe ne fillim te gushtit ky.
    Po zi per kushurirn e gjakut, nuk mbajti fare ky.
    Mos flisni budalliqe.

  3. Qe ky Martinaj është gjallë vetëm nga fakti që ky thote se është vrarë dhe nga fakti tjetër që familja ka hapur dyett e shpise per mort.
    Vaj medet per atë vend☹️

  4. Artani dukej i renduar emocionalisht. Mendoj qe kete e kane vrare nisur nga te gjitha gjerat qe kane dal deri tani. Alibia me e forte eshte hapja e basteve serisht ne forme zyrtare 20 dite pas zhdukjes se Ervis Martinajt

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *