Massimiliano Allegri e, bashkë me të, të gjithë tifozët e Juventusit, mund të marrin frymë të lehtësuar. Pasi pa Wojciech Szczesny të largohej nga fusha me barelë, në lot e dukshëm në dhimbje, gjatë ndeshjes kundër Spezias, u mendua më e keqja, aq sa u hipotezua madje edhe blerja e një portieri tjetër në ditën e fundit të merkatos, por testet të cilave portieri polak iu nënshtrua mëngjesin e sotëm në J|Medical përjashtuan frakturat apo ndrydhjet.
A seguito del trauma riportato alla caviglia destra, Szczęsny ieri sera è stato sottoposto ad esami radiologici al J|medical che hanno escluso fratture e significative lesioni capsulo legamentose. La sua disponibilità sarà valutata in funzione dell’evoluzione della sintomatologia pic.twitter.com/smuFDdiE2J
— JuventusFC (@juventusfc) September 1, 2022
“Si pasojë e traumës në kaviljen e djathtë, Szczesny mbrëmë iu nënshtrua ekzaminimeve radiologjike në J|Medical që përjashtuan frakturat dhe dëmtimet e rëndësishme të kapsulës së ligamentit. Disponueshmëria e tij do të vlerësohet sipas evoluimit të simptomave”, thuhet në deklaratën e klubit të Juventusit. Pas një dëmtimi muskulor dhe mungesës në dy javët e para të kampionatit me Sassuolon dhe Sampdorian, portieri polak duhet të qëndrojë edhe për pak kohë larg fushave.