Aktorja e njohur, Jane Fonda ka zbuluar se është diagnostikuar me kancer.
Fituesja e çmimit Oscar,u shfaq optimiste teksa tregoi në Instagram se kishte limfomën ‘non-Hodgkin’ , duke vënë në dukje se ka filluar kimioterapinë.
“Pra, miqtë e mi të dashur, kam diçka personale që dua të ndaj. Jam diagnostikuar me limfomën non-Hodgkin dhe kam filluar trajtimet kimio,” shkroi Fonda në postimin.
“Ky është një kancer shumë i shërueshëm. 80% e njerëzve mbijetojnë, kështu që ndihem shumë me fat.”
Ajo shpjegoi se i është nënshtruar kimioterapisë për gjashtë muaj dhe “po i përballon mjaft mirë trajtimet”, duke shtuar se “nuk do të lejojë që asnjë nga këto të ndërhyjë në aktivizmin tim klimatik”.
“Kanceri është një mësues dhe unë po i kushtoj vëmendje mësimeve që mban për mua. Një gjë që më ka treguar tashmë është rëndësia e komunitetit. Rritja dhe thellimi i komunitetit në mënyrë që të mos jemi vetëm. Dhe kanceri, së bashku me moshën time – pothuajse 85- – definitivisht mëson rëndësinë e përshtatjes me realitetet e reja, “u shpreh aktorja.
Jane pranoi gjithashtu se ajo është “e privilegjuar” për të qenë në gjendje të përballojë një kujdes shëndetësor cilësor kur shumë të tjerë nuk munden, ndërsa përdor diagnozën e saj si një thirrje për veprim gjatë “kohës më të rëndësishme në historinë njerëzore”./ Lapsi.al