Policia ka arrestuar 37 vjeçarin, Marash Mexhaj në Kamzë të Tiranës, pasi mbrëmjen e djeshme ka ushtruar dhunë fizike ndaj bashkëshortes së tij. Ndërhyrja është bërë në kohën e duhur pasi konflikti po përshkallëzohej dhe në momentin e arrestimit, pas kontrollit jashtë banesës së 37 vjeçarit është gjetur një pistoletë, e cila ishte gati për qitje.
37 vjeçari akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Dhuna në familje”.