• |
ide | kryesore

Rashica drejt Galatasaray, Milliyet jep detajet e kontratës

F1, Sport



Media më e madhe në Turqi, Milliyet ka publikuar lajmin se Milot Rashica është gati të ndërrojë kampionat dhe të largohet nga Anglia. Sipas të përditshmes turke, futbollisti i përfaqësueses së Kosovës, duket se do të veshë fanellën e një prej klubeve më të njohura atje, Gallatasaray.

Ditët e fundit skuadra turke ka gjetur akordin me Mauro Icardi, James Rodrigues dhe Jusuf Demir, ndërkohë Milliyet lajmëron se edhe Rashica do të lërë Norëich për Galatasaray.

“Fanatik” bën të ditur se akordi mes palëve është arritur dhe mbetet vetëm zyrtarizimi i këtij transferimi shumë të bujshëm, pasi kjo lëvizje e Rashicës ishte e paparashikuar. Për më tepër, diskutohet se ky transferim do të jetë me kosto zero, në formë huazimi apo transferimi përfundimtar, edhe pse Norwich e bleu për 11 milionë euro kartonin e tij nga Werder Bremen.

Sipas Milliyet Galatasaray ka bërë një ofertë zyrtare për Kanarinat, që është huazim. Këtë vit, Miloti ka bërë pesë paraqitje për skuadrën nga Championship anglez.

Verdhëkuqtë e Stambollit thuhet se kanë paguar 3.5 milionë meuro për Rashicën, i cili ka kontratë me skuadrën angleze deri më 30 qershor të vitit 2025.

Oferta pranuar dhe së tashmë kosovari ka udhëtuar në drejtim të Stambollit ku do të kryejë testet mjekësore dhe do të zyrtarizohet si lojtari më i ri i Galatasaray.

Miloti do të kërkojë që ta rikthejë formën, pasi pati një sezon jo edhe aq të mirë në Angli. Në tri ndeshjet e fundit ai nuk ka luajtur fare, madje nuk ka qenë as i ftuar.



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *