Jurgen Klopp irritohet në konferencën për shtyp nga një pyetje e gazetarit italian për qytetin e Napolit. Konferenca për shtyp në prag të ndeshjes së Champions e gjermanit, i cili pas pak orësh me Liverpoolin e tij do të përballet me napoletanët, u zhvillua në një atmosferë të relaksuar, mes buzëqeshjeve, batutave dhe lëvdatave për Spallettin dhe djemtë e tij. Gjithçka e qetë, deri në një pyetje për qytetin kampan. Një gazetar i kërkoi trajnerit të Reds një mendim për paralajmërimet e klubit anglez për tifozët e tyre në rrjetet sociale, por Klopp nuk e priti mirë.
Liverpool, në orët e fundit, u bëri thirrje tifozëve të tyre që të shmangin qendrën e qytetit në mënyrë që të mos “shënjestrohen dhe të pësojnë vjedhje, grabitje apo agresion”. Mbështetësve të të kuqve u është kërkuar gjithashtu nga klubi që të mos shkojnë vetëm në stadium.
Administratori i Deleguar Andy Hughes ka paralajmëruar tifozët përmes një klipi të shkurtër: “Para së gjithash, mbi të gjitha, në interes të sigurisë personale, ne po i këshillojmë tifozët të mos shkojnë vetëm në stadium. Ky udhëzues erdhi si nga policia italiane ashtu edhe nga ambasada britanike në Napoli. I kërkojmë mbështetësve që nga ora 16:00 të shkojnë në pikën e caktuar të takimit në zonën e portit të qytetit. E kuptoj që tifozët duan ta bëjnë këtë udhëtim një mundësi, por në këtë rast, do t’i këshilloja ata që gjatë qëndrimit në Napoli të mos dalin vetëm nëpër qytet ose të veshin ngjyrat e klubit”.
Fans should not congregate in public areas and should avoid becoming isolated in areas away from the port area of the city. We strongly recommend you avoid the city centre. If you chose to visit, please beware that you may be targeted for theft, robbery, or assault.
— Liverpool FC Help (@LFCHelp) September 6, 2022
Dy mesazhet e lëshuara nga klubi anglez shkaktuan disa polemika në Napoli dhe një gazetar deshi ta trajtonte këtë temë në konferencën për shtyp. Jurgen Klopp u pyet nëse Napoli ishte një qytet i sigurt: “Mirëmbrëma zotëri, kjo nuk është hera e parë që ju vini në këtë qytet, do të doja të dija nëse Napoli ju duket i rrezikshëm, sepse sot llogaria e klubit tuaj në Tëitter ka postuar një mesazh në të cilën paralajmëroi tifozët e tij për rreziqet e mundshme në qytet. A ju pëlqen të qetësoni tifozët tuaj dhe të thoni se Napoli ka qenë gjithmonë mikpritës gjithsesi, apo keni një ide tjetër? Cila është ideja juaj për qytetin tonë?”.
Një pyetje, që nuk i ka pëlqyer aspak Jurgen Klopp, i cili nuk e ka fshehur dot mosaprovimin. Trajneri shtriu krahët dhe më pas u përgjigj: “Kjo është një pyetje e sikletshme nga ana juaj. Ju dëshironi një titull. Unë thjesht nuk e kuptoj. Ti je nga Napoli? Mendon se është një qytet i rrezikshëm? Nuk e di, nuk bëj një jetë normale në Napoli. Unë jam i mbrojtur këtu, shkoj në hotel dhe tani ju më pyesni se çfarë mendoj për Napolin. Ju e dini saktësisht se për çfarë flitej në komunikatë. Nëse disa tifozë takojnë tifozë të tjerë, diçka mund të ndodhë”.
Liverpool manager Jurgen Klopp was visibly irritated after a reporter asked him whether he considered Napoli to be a "welcoming city".
The Merseyside club has advised fans not to go into the city on their own, and to avoid wearing club colours during their stay in Naples pic.twitter.com/1GT8WuEVop
— PA Dugout (@PAdugout) September 6, 2022
Klopp në fund theksoi se paralajmërimet nuk kishin të bënin me qytetin dhe më pas braktisi konferencën për shtyp: “Kjo nuk ka të bëjë fare me qytetin, kështu që nuk e di. Por unë nuk jam këtu për t’ju dhënë tituj, nëse nuk dini çfarë të më pyesni nuk është problem, sepse do të doja të shkoja në hotel për të qenë i sinqertë dhe të fokusohesha vetëm te ndeshja. E duket se nuk dini më çfarë të më pyesni”.