Lewandowski, njeriu i trigolëshave: rekord në Champions League për polakun

Në fitoren 5-1 të Barcelonës ndaj Viktoria Plzen, ka vend edhe për një rekord të ri të Robert Lewandowskit. Për polakun vitet kalojnë, fanellat ndryshojnë, por ai vazhdon të shënojë me rregullsi të frikshme. Në fakt, mbrëmë, qendërsulmuesi i Barcelonës u bë lojtari i parë që ka arritur një trigolësh në Champions League me tre skuadra të ndryshme. Para se të merrte topin në shtëpi me Barçën ai e kishte bërë këtë arritje dhe me Borussia Dortmund dhe Bayern Mynih.