• |
ide | kryesore

Ushtarak, inxhinier dhe piktor/ 3 shqiptarët kapen me 300 mijë £ droge në Angli

Arkiva, Lajme, Të fundit



Mediat britanike kanë dhënë detaje nga arresti dhe burgosja e 3 shqiptarëve. Ata u vunë në pranga pasi u sulmuan nga persona të armatosur dhe maskuar në 27 shkurt të këtij viti. Glen Xhaferri, 26 vjeç, Redjon Murati, 28 vjeç dhe Anis Plaku, 29 vjeç u paraqitën në spital pasi u dhunuan.

Policia nisi hetimet dhe gjeti makinën e tyre Audi A5 të braktisur brenda së cilës u zbuluan 84 mijë paund në një çantë të zezë në sedijen e pasme. Kjo zgjoi dyshime ndaj policia shkoi në banesën ku ata jetonin, një shtëpi 1-katëshe me 3 dhoma gjumi në Highgate Road në Queensbury.

Aty policia gjeti 16 pako me kanabis, secila me peshë 1 kg. Vlera e drogës në treg llogaritet mbi 151 mijë £. Në një nga dhomat e gjumit që besohet se është e Xhaferrit për shkak të kartave bankare dhe ilaçeve në emër të tij u gjetën në një garderobë rreth 35 mijë £ cash. Policia gjeti aty edhe celularë dhe pajisje anti-përgjim.

Kur u morën në pyetje pas arrestimit, Zhaferri mohoi të dinte gjë për paratë e gjetura në makinë dhe banesë ndërsa nuk bëri komente për kanabisin. Të njëjtën gjë tha dhe Murati duke shtuar se ai flinte në sallon dhe dy të tjerët përdornin dhomat e gjumit. Avokati i Xhaferrit tha se ai është një shqiptar me “karakter të mirë” që ka marrë diplomë në inxhinieri në Shqipëri.

Bradford Telegraph and Argus: Xhaferri
Glen Xhaferri

Sipas tij ai shkoi në Mbretërinë e Bashkuar duke kërkuar punë, por pati vështirësi për shkak të statusit të tij si imigrant. Pasi u deklarua fajtor, ai kërkoi falje. Ndërsa avokati mbrojtës i Redjon Muratit tha se klienti i tij kishte mbërritur në këtë banesë vetëm ditën e arrestimit pasi sapo ishte liruar nga paraburgimi në Skoci.

Bradford Telegraph and Argus: Murati
Redjon Murati

Avokati tha se ai emigroi për shkak të varfërisë dhe se profesioni i tij ishte piktor dhe dekorues. Edhe ai u shfaq i penduar para gjykatës. Ndërsa Anis Plaku kishte pasur një karrierë si ushtarak në Shqipëri. Ai kishte shërbyer për 5 vjet në Afganistan dhe pas shërbimit kishte përfituar vizë udhëtimi për në Mbretërinë e Bashkuar.

Bradford Telegraph and Argus: Plauku
Snis Plaku

Ai kishte punuar disa kohë në një lavazh dhe në ndërtim përpara se të përfshihej në jetën e krimit. Avokati i tij mbrojtës tha se ai dëshiron të kthehet në atdhe me partneren e tij meksikane. Avokatët thanë se shqiptarët nuk kishin role të larta në trafikun e drogës.

Në përfundim gjykata i denoi Glen Xhaferrin dhe Anis Plakun me nga 4 vjet burg për posedim dhe trafik droge si dhe pastrim parash. Ndërsa Redjon Murati u dënua me 2 vjet e 3 muaj burg për drogën e gjetur. ©LAPSI.al



2 Comments

  1. Lista nis me Andi Bejten, në atë kohë poet, më shumë se gazetar, A.Shkullakun, F.Lubonjën, që janë bashkë me Ramën, emri i të cilit shfaqet diku nga mesi i listës.

    SHBA ua plotësoi kërkesën pas shumë vitesh, duke e shpallur Berishën non grata, por duket se disa prej nënshkruesve, sot mendojnë ndryshe. Më poshtë, teksti dhe firmosësit e tij në 1996:Shpellkaret e salihmetaj ne londer

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *