Shqipëria është goditur nga një sulm tjetër kibernetik nga Irani. Kryeministri shqiptar, Edi Rama e bëri publik të shtunën, (10.08) lajmin e një sulmi të ri nga Irani në një postim në twitter, duke theksuar: “një tjetër sulm kibernetik nga të njëjtët agresorë, tanimë të ekspozuar dhe dënuar prej vendeve aleate e mike të Shqipërisë, është shënuar mbrëmë mbi sistemin TIMS! Ndërkohë vazhdojmë të punojmë përditë pa orar me aleatët për t’i bërë të papenetrueshme sistemet digjitale të Shqipërisë”, shkruan ai.
Bllokohen prona iraniane në juridiksionin e SHBA
Sulmi kibernetik i Iranit ndaj sistemit TIMS në Shqipëri ndodhi pa kaluar as 24 orë nga vendimi që morën SHBA të premten, (09.09) për sanksione ndaj Ministrisë Iraniane të Zbulimit dhe Sigurisë si edhe ndaj titullarit të kësaj ministrie, ministrit Esmail Khatibi.
Në një njoftim të Departamentit të Thesarit të SHBA, të publikuar dje, (09.09)theksohet që sanksionet merren „ për përfshirje në aktivitete kibernetike kundër Shteteve të Bashkuara dhe aleatëve të tyre.“ “Në korrik 2022, aktorët e sulmeve kibernetike, me mbështetjen e qeverisë së Iranit dhe Ministrisë Iraniane të Zbulimit dhe Sigurisë, ndërprenë sistemet kompjuterike të qeverisë së Shqipërisë duke e detyruar qeverinë të pezullojë shërbimet publike online për qytetarët e saj“, thekson ky njoftim.
Nënsekretari i Thesarit për Terrorizmin dhe Zbulimin Financiar, Brian E. Nelson citohet të ketë thënë që “sulmi kibernetik i Iranit kundër Shqipërisë shpërfill normat e veprimeve të përgjegjshme shtetërore në kohë paqeje në hapësirën kibernetike, ku përfshihet norma për të mos dëmtuar infrastrukturën kritike që ofron shërbime për publikun, SHBA nuk do të tolerojë aktivitetet kibernetike gjithnjë e më agresive të Iranit që vënë në shënjestër Shtetet e Bashkuara ose aleatët dhe partnerët e tyre“
Çfarë parashikojnë sanksionet?
Ministrisë Iraniane të Zbulimit dhe Sigurisë si edhe ministrit të sipër përmendur, Esmail Khatibi, u bllokohen të gjitha pronat dhe interesat në pronësi të tyre që janë nën juridiksionin e SHBA si edhe u ndalohet hyrja në transaksione me palën amerikane. Pronat do të bllokohen edhe kur 50 për qind ose më shumë e tyre zotërohet nga personat apo entitete iraniane të vëna nën sanksione. Persona jo amerikanë që angazhohen në transaksione të caktuara me persona apo entitetet iraniane që janë subjekt sanksionesh mund të bëhen objekt sanksionesh. Çdo institucion financiar i huaj që me vetëdije kryen ose lehtëson një transaksion të rëndësishëm për ose në emër të personave të caktuar, mund t’u nënshtrohet sanksioneve nga SHBA thekson njoftimi i Departamentit të Thesarit.
Një ditë pas vendimit këtë javë ( 07.09) të qeverisë së Tiranës për ndërprerjen e marrëdhënieve diplomatike me Iranin, pas provave për sulm kibernetik nga ky vend, burime zyrtare bënë me dije bi,sedën telefonike të Këshilltarit të Sigurisë Kombëtare të SHBA, Jake Sullivan me kryeministrin Edi Rama, ku rikonfirmohet mbështetja e fuqishme amerikane ndaj Shqipërisë, vendit aleat në NATO pas sulmit kibernetik të Iranit më 15 korrik dhe zotimi nga të dyja palët „për të vazhduar përpjekjet e Shqipërisë për të forcuar masat e sigurisë kibernetike“./ DW
Po strehove terroristë behesh shenjester dhe do vuash pasojat. Por keta sharlatanet e politikes sone brekulur nuk vend mend. Pas muxhahedineve sollen afgane te cilet gjithe europa i refuzoi. Tani me sirianet dhe bangladeshasit eshte drejte perfundimit plani i shumeperfolur i sorres per shvendosje popullesish.
Kolonjari- Berishës: Kemi ngrënë në një kazan bashkë në Kavajë. Kam qenë anëtar i PPSH si ti!IO kari salihut terrorriste jane iranianet e soiunave e agjentet salih metaj qe kane shitur arme te Irani
Ti sufllaqexhiu i rilindjes qe meresh me berishen qe ka 10 vite qe ka lene karrigen shko kometoje dhe shaje te gazeta tema e meros. Berisha gjithashtu eshte fajtor se ai ishte i pari qe firmosi ardhjen ne shqiperi te mekut. Eshte i pari qe ka bere thirrje qe irani te shpallet vend armik. Por ky veprim prej servili iu kthye ne bumerang me non graden. Demet si te rridhjeres si te bereshes e metes i vuajne shqipetaret jo ti se ti je thjesht sufllaqexhi i lal zdromsit.
Interesant DW. Asnje koment mbi Berlinin zyrtar lidhur me keto “sulme” te “Iranit” qe DW i klasifikon “sipas provave nga ai vend” pra Shqiperia.
Sa e sa lekë janë derdhur, por më mirë të themi vjedhur.Kurre nuk ka shtet aty ku ka korrupsion e vidhet aty ku kriminelët bëjnë ligjin.Sepse krimineli e hajduti nuk kanë atdhe.Atdheu i tyre është paraja dhe për ato shet çdo gjë.
Pse nuk mblidhet keshilli i sigurimit meqenese nje shtet tjeter po ben sulme kibernetike dhe ve ne diskutim sigurine kombetare. Apo rendesi ka si te bejm leke te lehta ne raste fatekeqesish dhe medemek sulmesh armike.