“Dëmtim i shkallës së dytë të bicepsit femoral të djathtë”. Ky është rezultati i testeve diagnostike të cilave iu nënshtrua sulmuesi i Napolit, Victor Osimhen në mëngjesin e sotëm. Nigeriani u detyrua të largohej nga fusha në minutën e 41-të të ndeshjes debutuese të të kaltërve në Champions League kundër Liverpool për shkak të një problemi muskulor.
Siç raporton klubi napoletan, Osimhen ka nisur të kryejë terapinë që të enjten. Ai do të kthehet në fushë pas pushimit për impenjimet e kombëtares: prandaj do të humbasë ndeshjen e Serie A kundër Spezias të planifikuar për të shtunën në orën 15:00 në Maradona dhe atë të së dielës në datën 18 në San Siro kundër Milanit, por edhe daljen e dytë në Champions League të martën e ardhshme në Glasgoë kundër Rangers.
Osimhen ishte në dyshim deri pak orë para ndeshjes kundër Liverpool për një problem me aduktorët, por më pas ai u konsiderua i rikuperuar, aq sa u vendos nga Spalletti në njëmbëdhjetëshen titullare. Pastaj erdhi dëmtimi i ri, që do të vazhdojë ta mbajë larg fushës nigerianin.