Partizani pëson humbjen e parë në Superiore në këtë edicion dhe dëmin ia shkakton pikërisht Erzeni, i sapongjitur në elitë, duke e mposhtur 0-1 në shtëpi, atë që quajnë të tillë provizorisht të kuqtë, Elbasan Arena. Shijakasit godasin edhe njëherë, duke shkuar në tetë pikë falë golit të Nonatos, që e detyroi Colellan të provojë shijen e humbjes.
Pas tre sukseseve radhazi, e atëherë kur u duk se të kuqtë mund të shkëputeshin në renditje, duke parë ndalesat e të gjithë ndjekësve, Partizani rrëzohet kundër një pengesë që në emër nuk dukej e madhe, por në fushë e shifra po. Erzeni i Kapllanit jo vetëm që mbetet i pamundur, por në katër ndeshje nuk ka pësuar ende asnjë gol. Meritë e jashtëzakonshme e teknikut dhe e një grupi që e ndjek dhe ka dëshirë të bëjë mirë.
Për Partizanin shumë raste të shpenzuara para portës, me Da Silvën dhe Carën në pjesën e parë, ndërsa në të dytën arsyeja u mpak nga ankthi për minutat që kalonin, duke bërë që sulmuesit të gabonin edhe rastet më të thjeshta. Sota në minutën e 47 nuk gjeti devijimin fitues, Skuka tre minuta më pas e Da Silva në të 68 shpenzuan mundësi para portës së Xhikës. Erzeni u mbrojt i organizuar, ashtu si ka bërë në 360 minutat e deri tanishme të kampionatit, por mund të kishte befasuar me Avdiun në të 78. Në fund, tre pikë të tjera për Kapllanin: dy fitore e dy barazime dhe vendi i dytë në renditje me tetë pikë, një pas Partizanit që mban kreun me 9 pikë, por ngre pikëpyetje për të ardhmen…
e mo shkerdhata shisni ndeshjet e thoni fitoi erzeni