• |
ide | kryesore

iOS 16/ Gjithçka duhet të dini për përditësimin e madh të Apple

-Instant, F1, Stil



Përmirësimet e softuerit falas për iPhone dhe Apple Watch. Përditësim i ‘Home Screen’, mund të anulojnë dërgimin e mesazheve dhe shumë e shumë të tjera. Ndiqini më poshtë.

Apple planifikon të publiojë ditën e sotme IOS 16, duke shtuar veçori dhe dizajne të reja për pajisjet.

Të shpallur në konferencën e zhvilluesve të firmës në qershor, iOS 16 dhe ëatchOS 9 ndryshojnë plotësisht ekranin e kyçjes, të rinovojnë njoftimet dhe të shtojnë emoji të reja.

Kur publikohet?

Shkarkimet për përditësimet e iOS dhe ëatchOS zakonisht fillojnë rreth orës 18:00 me orën e Mbretërisë së Bashkuar (13:00 në Nju Jork; 03:00 në Sydney). Ndryshe nga prodhuesit e tjerë, të gjitha pajisjet e pranueshme të Apple do të jenë në gjendje të shkarkojnë dhe instalojnë përditësimin në momentin që ai publikohet. Përditësimet për gamën e iPad të Apple do të jenë të disponueshme më vonë gjatë vitit.

Cilat pajisje mund ta suportojne këtë përditësim?

Të gjithë telefonat inteligjentë të Apple nga iPhone 8 i vitit 2017 ose më i ri mund të instalojnë iOS 16. Të gjitha orët e Apple nga Seria 4 e vitit 2018 ose më të reja mund të instalojnë ëatchOS 9.

Ekrani i kyçjes është rinovuar, me personalizim shumë më të madh dhe një ndryshim në mënyrën e shfaqjes së njoftimeve.

Si parazgjedhje tani shfaq datën, orën dhe një rresht miniaplikacionesh informacioni në krye me njoftimet që depozitohen në grupe nga fundi i ekranit. Mund të ndryshoni stilin dhe ngjyrën e kohës, të shtoni informacione të tjera krahas datës dhe të personalizoni sfondin me një efekt 3D për disa imazhe.

Ju gjithashtu mund të keni shumë ekrane kyçjeje dhe t’i lidhni ato në mënyrat e fokusimit, në mënyrë që të mund të keni, për shembull, një për punë dhe një për kohën personale. “Filtra të rinj të fokusit” mund të fshehin përmbajtje shpërqendruese nga aplikacionet, të tilla si bllokimi i mesazheve nga kolegët e punës kur janë jashtë orës zyrtar.

Passkeys

Çelësat dixhitalë të vërtetuar nga fytyra ose gjurmët e gishtave në një iPhone mund të përdoren për t’u identifikuar në faqet e internetit, aplikacionet dhe shërbimet në vend që të përdorin një fjalëkalim. Do të funksionojë në produkte jo të Apple, si p.sh. hyrja në një televizor inteligjent duke skanuar një kod QR me iPhone dhe më pas duke e konfirmuar me fytyrën ose gishtin tuaj.

Passkeys sinkronizohen duke përdorur iCloud Keychain dhe mund të rikuperohen nëse humbni ose prishni iPhone tuaj.

Ndryshoni iMessages

Mesazhet e dërguara tani mund të modifikohen ose hiqen, për shembull kur i keni dërguar diçka grupit të gabuar, brenda 15 minutave të para.

©LAPSI.AL



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *