Mauro Icardi u huazua nga Paris Saint-Germain te Galatasaray. Klubi francez do të ndihmojë në pagimin e pothuajse 60% të pagës së futbollistit (3 milionë neto do të paguhen nga Galatasaray, 5 të tjerët nga PSG). Sulmuesi, që nuk ishte pjesë e planeve të Christophe Galtier, i thotë mirëupafshim Parisit. Trajneri i kryeqytetasve nuk e përjashton rikthimin e argjentinasit në fund të sezonit, por me kushtin që ai të dëshmojë se është ende një lojtar i rëndësishëm.
Një transferim në Stamboll nën orientimin e gruas dhe menaxheres së lojtarit, Wanda Nara. Showgirl-i është kujdesur për gjithçka në detaje dhe i ka bërë edhe gjashtë kërkesa shumë specifike shoqërisë turke. Wanda Nara kishte, si gjithmonë, një rol kyç në transferimin dhe zgjedhjen e bashkëshortit të saj. Gruaja, e cila është edhe menaxhere e lojtarit, ka ndjekur të gjitha negociatat dhe para se të pranonte ofertën e turqve, i bëri kërkesa shumë specifike klubit.
Argjentinasja, siç raporton Mundo Deportivo, ka menduar për gjithçka. Gjashtë ishin pikat e paraqitura nga Wanda. Para së gjithash, një shofer personal i disponueshëm 24 orë në ditë, i cili mund të shoqërojë atë, Mauriton dhe fëmijët nëpër qytet. Si kusht i marrëveshjes është kërkuar edhe një kuzhinier personal. Një pikë tjetër e rëndësishme për gruan është siguria. Nara ka kërkuar një shtëpi të mbrojtur për familjen. Për më tepër, ajo dëshiron një hotel për të qëndruar deri në dhjetor dhe shkolla për fëmijët e saj t’i frekuentojnë. Mister, nga ana tjetër, në lidhje me pikën e gjashtë.
Icardi nuk ishte i vetmi protagonist i futbollit europian që u transferua në Turqi këtë fundjavë. Ish-mesfushori i Manchester United, Juan Mata, gjithashtu fluturoi në Stamboll për t’u bashkuar me Galatasaray. Para tyre, në verë, kishin mbërritur Dries Mertens dhe Lucas Torreira. Në ligën turke luajnë edhe ish-Arsenali Mesut Özil, i cili iu bashkua İstanbul Başakşehirit pas përvojës së tij me Fenerbahçen, dhe ish-Tottenham Dele Alli, në Beşiktaş si huazim nga Everton.