Albin Kurti foli sot për takimin që mbajti dje me homologun e tij Edi Rama në Tiranë.
Kurti të martën doli urgjent nga një konferenca për media për t’u nisur drejt Tiranës për takim me Edi Ramën.
“Takimi i djeshëm ka qenë një drekë pune, ka qenë një takim i nevojshëm. E para është siguria kibernetike, kjo ka qenë tema e parë. Ne jemi takuar për të diskutuar për sulmet me të cilat janë përballur dhe për krizat energjetike”, deklaroi Kurti.
“Siguria kibernetike ishte tema e parë, pasi isha shumë i interesuar të marr vesh sa më shumë për përvojën e tyre nga sulmet që kanë pasur”, u shpreh kryeministri.
Kryeministri shpjegoi se me Ramën ka diskutuar për bashkëpunimin energjetik. Dimrit Shqipëria t’i japë energji Kosovës, dhe në verë e anasjellta.
“Përgatitjet në dritën e rifillimit të procesit të Berlinit, sepse ju e dini që takimet e mëhershme të procesit të Berlinit janë bërë nga Angela Merkel, e tash do të bëhen nga kancelari i ri”, ka thënë Kurti.
“Ka shumë punë të ekipeve tona dhe shumë bashkëpunim paraprak”, ka treguar kryeministri i Kosovës.
Lexo më tej: Foto/Albin Kurti niset urgjent për në Tiranë, takim sekret me Ramën në vilën qeveritare