Këngëtari i R&B y, Jesse Powell ka ndërruar jetë në moshën 51-vjeçare në shtëpinë e tij në Los Angeles. Lajmi u konfirmua për fansat nga familjarët e tij.
“Zemërthyer ju njoftojmë ndarjen nga jeta të djalit tonë të dashur, vëllait dhe xhaxhait Jesse Powell. Ai ndërroi jetë i qetë në shtëpinë e tij në Los Angeles”, thuhet në postimin e motrës së tij, Tamarës Powell në Instagram. “Familja kërkon privatësi ndërsa ne vajtojmë për këtë humbje të jashtëzakonshme. Jesse e donte muzikën dhe ai veçanërisht i donte fansat që e mbështetën gjatë gjithë karrierës së tij.”“Duam që të gjithë ta dini se ai ju donte sa e gjithë bota”, përfundoi postimin duke nënshkruar, “Familja Powell”. Shkaku i vdekjes së Jesse nuk është bërë i ditur.
Tamara ndau një video të dytë në Instagram të mërkurën të artistit duke performuar këngën e tij të njohur të vitit 1999 “You”, e cila gjithashtu shfaqet në albumin e tij debutues të vetëtitulluar të vitit 1996.
“Ai zë!” shkroi ajo. “Përveç se ishe një nga këngëtarët më të mirë të R&B-së, ti ishe vëllai më i madh më i mirë në botë. Të kam dashur shumë.Familja jonë nuk do të jetë e njëjtë pa ty.”
I lindur më 12 shtator 1971, në Gary, Indiana, Jesse u rrit duke kënduar me motrat e tij në shfaqjet lokale të talenteve, sipas një biografie në AllMusic. Ai lëshoi katër albume midis 1996 dhe 2003. ‘Bout It, u certifikua me artë nga Shoqata e Industrisë së Regjistrimit të Amerikës në 1999.
Më 1 korrik, artisti publikoi një këngë të titulluar “Addison Walker” në Spotify, një këngë instrumentale që zgjat vetëm 58 sekonda.
Përktheu: Lapsi.al
Marrë nga: People