Më shumë se 100 fluturime që ngrihen ose zbarkojnë në aeroportin britanik Heathrow do të anulohen. Shkak është funerali i Mbretëreshës.
Aeroporti i Londrës njoftoi se 15% e 1200 fluturimeve të tij që ngrihen ose ulen të hënën do të ndërpriten. Qëllimi është “për të shmangur zhurmën”.
Aeroporti ka thënë se dëshiron të sigurojë që qielli i Londrës të jetë i qetë gjatë dy minutave të heshtjes kombëtare, ndërsa funerali i Mbretëreshës në Westminster përfundon pak para mesditës.
Asnjë fluturim nuk do të mund të ngrihet apo ulet nga 15 minuta para fillimit të heshtjes deri në 15 minuta pas përfundimit.
Nisjet dhe mbërritjet do të pezullohen gjithashtu gjatë mbërritjes së procesionit funeral dhe procesionit në Kështjellën Windsor dhe do të devijohen rreth kështjellës gjatë shërbimit privat të familjes të hënën në mbrëmje.
Lexo më tej: Mbretëresha Elizabeth II: Një jetë e tërë në fotografi
Ndërkohë kryeqyteti anglez po shtrenjtohet ekstremisht falë këtij funerali.
Edhe 1550 £ nata, edhe pa mëngjes. Janë këto çmimet e dhomave të hoteleve në Londër. Ato po rriten këto ditë si pasojë e funeralit të Mbretëreshës Elizabeth.
Funerali i Mbretëreshës Elizabeth II i gjen hotelet gati 95% plot. 20% më shumë se mesatarja në këtë kohë të vitit.
Një hap i jashtëzakonshëm nëse mendoni për goditjen e rëndë që pësoi sektori gjatë gjithë emergjencës së Covid-19.
Tim Hentschel, CEO i HotelPlanner, një shërbim rezervimi online me bazë në Londër, i tha mediave lokale se që nga shpallja e vdekjes së Elizabeth II javën e kaluar, frekuentimi i hoteleve në Londër është rritur në “pothuajse 95% të dhomave të zëna, rreth 20% mbi mesatare sezonale”.
“Tarifat janë rritur për strukturat e të gjitha kategorive dhe ne ende presim që ato të dyfishohen në ditët më afër funeralit”, shtoi ai.