Gjykata e Durrësit ka vendosur masën ‘Arrest me burg’ për 4 shtetasit të cilët transportuan 2 mijë tonë naftë kontrabandë. Katër shtetasit sollën naftën nga Libia në Shqipëria. Mësohet se sasia e karburantit nuk korrespondonte me dokumentacionin. Kjo pasi kishte më pak litra naftë nga ç’ishte porositur.
Lexo më tej: Nga Libia në Shqipëri, sekuestrohen mbi 2 mijë ton naftë në Durrës
4 personat që janë vënë në pranga janë: Zuhair Alkwaifi, Amad Abushala, Muayid Ali Altahir dhe Badr Teezini.
Njoftimi i policisë:
Transportuan me anije çisternë, nga Libia në Shqipëri, 2275 ton naftë kontrabandë, vihen në pranga 4 shtetas të huaj, procedohen në gjendje të lirë 6 bashkëpunëtorët e tyre.
Në vijim të punës për goditjen e veprimtarisë kriminale në fushën e kontrabandës me mallra, strukturat e Policisë së Shtetit, pas një hetimi disamujor nën drejtimin e Prokurorisë pranë Gjykatës së Rrethit Gjyqësor Durrës, me mbështetjen e Kapitenerisë Detare Durrës, Rojës Bregetare dhe Autoritetit Portual Durrës, kanë organizuar dhe finalizuar operacionin policor të koduar “Ring”.
Si rezultat i këtij operacioni janë arrestuar në flagrancë shtetasit:
Z. A., 54 vjeç (kapiteni i anijes), M. A., 25 vjeç, A. A., 43 vjeç, të tre banues në Libi dhe B. T., 25 vjeç, banues në Siri.
Gjithashtu filloi procedimi penal në gjendje të lirë për shtetasit:
A. B., 43 vjeç, A. A., 46 vjeç, A. N., 40 vjeç, A. E., 53 vjeç, A. H., 21 vjeç dhe A. K., 29 vjeç, të gjithë banues në Libi.
Këta shtetas, në bashkëpunim me njëri-tjetrin, kanë kontrabanduar nga Libia në Shqipëri, me një anije çisternë, 2275 ton naftë, e dyshuar kontrabandë.
Në cilësinë e provës materiale janë sekuestruar anija çisternë, sasia e naftës dhe disa aparate celulare.
Materialet i kaluan Prokurorisë pranë Gjykatës së Rrethit Gjyqësor Durrës, për veprime të mëtejshme, për veprat penale “Kontranda më mallra për të cilat paguhet akcizë”, “Ruajtja apo depozitimi i mallrave kontrabandë” dhe “Kontrabanda e kapitenit, pilotit ose ekuipazhit”, të kryera në bashkëpunim.
KENI HARRU PRITESIN E MALLIT( NAFTES).
Po kontraktori ne Shqiperi pse nuk hetohet e gjykohet?!
Kjo eshte drejtesia me regjisor Ramen, sepse kontraktori shqiptar i mallit, qe nuk e kish per here te pare kete kontrabande, sigurisht eshte njoftuar qe i doli era dhe beri sikur nuk qe dakord me cmimin kur malli i porositur mberriti ne port.
Shtet fasade, drejtesi fasade, qeverisje fasade…. Deri kur?!