Pesë golat e pësuar në Danimarkë nga Midtjylland nuk janë kapërcyer nga tifozët e Lazio. E njëjta gjë mund të thuhet edhe për trajnerin Sarri. Ai, në fund të ndeshjes komentoi i dëshpëruar shembjen në transfertë. Rezultati 1-5 i pësuar në Europa League ishte një figurë e shëmtuar për skuadrën bardhekaltër dhe klubi e di mirë.
Ndoshta kjo është edhe arsye që shoqëria ka vendosur të bëjë një gjest fisinik. Përmes një njoftimi për shtyp, Lazio njoftoi se do të rimbursojë koston e biletës në sektorin e miqve për 225 tifozët e pranishëm në Danimarkë. Një gjest që nuk do të kthejë pikët në renditjen e skuadrës dhe as do të anulojë provën pa ngjyrë të Lazios, por do ta bëjë mbrëmjen më pak të hidhur për tifozët.
Lexo më tej: Video/ Lazio turpërohet në Danimarkë: në Tiraspol ‘sherifi’ është Ronaldo
Në fakt, ishte e pabesueshme ajo që ndodhi me Lazion e Hysajt. Bardhekaltrit u fundosën në ndeshjen e dytë të Europa League. Pas rezultatit 4-2 ndaj Feyenoord, djemtë e Sarri u mposhtën 5-1 nga Midtjylland. Një mbrëmje makthi për italianët në MCH Arena. Pas një fillimi të ekuilibruar, danezët shënuan dy gola në katër minuta me Paulinhon (26′) dhe Kaba (30′). Lazio nuk arriti të reagojë dhe diferenca u bë e frikshme në pjesën e dytë. Trisin e vendasve e shënoi me penallti Evander (52′), më pas Milinkovic Savic (57′) ringjalli shpresat, por Isaksen (67′) dhe Sviatchenko (72′) mbyllën rezultatin.
La S.S. Lazio rimborserà il costo del biglietto della gara Midtjylland-Lazio ai 225 sostenitori presenti ieri in Danimarca.
— S.S.Lazio (@OfficialSSLazio) September 16, 2022