Mbrëmjen e sotme në stadiumin Wanda Metropolitano do të luhet derbi i shumëpritur i Madridit ndërmjet Atlèticos dhe Realit. E disa tifozë të dy skuadrave patën idenë “brilante” për t’u përgatitur për sfidën e madhe. Një takim në një park të kryeqytetit spanjoll për një rrahje ‘të ndershme’ 10 vs 10. Ultrasit Colchoneros dhe Merengues, të parët me të kuqe e të tjerët me të bardha, u përplasën dhunshëm. Imazhet e sherrit përfunduan shpejt në rrjetet sociale, duke shkaktuar kritika unanime.
Futbolli përbëhet nga rivalitete të mëdha dhe padyshim që nuk ka më të madh se ai mes dy skuadrave nga i njëjti qytet. Një shembull kryesor, në Spanjë, është antagonizmi mes Atlètico dhe Real Madrid. Sfidat e tyre shpesh karakterizohen nga tensione, grindje, grushta dhe shi kartonësh. Në mënyrë të pashmangshme, jashtë fushës gjërat nuk mund të jenë më mirë. Armiqësia mes tifozëve të dy klubeve është e njohur dhe shpesh çon në përplasje të ashpra. Por disa ultras të dy skuadrave të Madridit bënë edhe më keq. Ata u takuan në një park të qytetit për një përleshje 10 kundër 10.
🚨| There has been a 10 vs 10 agreed battle between Real Madrid Ultras and Atletico Madrid Ultras last weekend. Real Madrid’s Ultras won. The Spanish Police has opened an investigation. @diarioas #rmalive pic.twitter.com/Lotgahd4gE
— Madrid Zone (@theMadridZone) March 16, 2021
KRITIKA TË ASHPRA NË RRJETET SOCIALE
Të veshur njësoj si dy skuadrat, 20 personat filluan një përleshje të dhunshme me shkelma dhe grushta. Një përleshje e përjetësuar nga disa video të shpërndara më pas në rrjetet sociale që kanë ngjallur një mori kritikash. “E gjithë kjo është thjesht qesharake,” komentoi një përdorues i hutuar; “Marrëzia në nivelin më të lartë,” i bëri jehonë një tjetër; një i tretë komentoi thjesht me një elokuencë: “Idiotë”. E ndërkohë, policia spanjolle ka nisur një hetim.