Momenti i të vërtetës për Kombëtaren kuqezi në Nations League. Nën drejtimin e teknikut Edoardo Reja, skuadra nis nga sot përgatitjet në kuadër të dy ndeshjeve zyrtare të kompeticionit. Shqipëria do të udhëtojë drejt Izraelit (më 24 shtator) dhe pret në shtëpi Islandën (më 27 shtator). Këto janë edhe dy sfidat e fundit të grupit në Ligën B.
Përfaqësuesja kuqezi do të akomodohet në kompleksin Tropikal në Durrës, ku do të zhvillojë përgatitjet për sfidat vendimtare të shtatorit dhe do të stërvitet në qytetin bregdetar deri të premten, kur do të udhëtojë drejt Izraelit për ndeshjen e parë zyrtare. Tekniku italian ka gjashtë ditë kohë për të hedhur në mendjen e lojtarëve idetë e tij për mënyrën si duhet të përballet me izraelitët. Sigurisht duke patur kujdes për të ruajtur forcat edhe për sfidën me Islandën. Koha është më e reduktuar, sepse në tre ditë formacioni kuqezi duhet të jetë gati.
Shqipëria sfidon Izraelin në transfertë me ndeshjen që luhet të shtunën në stadiumin “Bloomfield” të Tel Avivit, duke nisur nga ora 20:45. Pas kthimit më datë 25 shtator skuadra nën drejtimin e trajnerit Edoardo Reja do të vijojë përgatitjet për sfidën e fundit të këtij edicioni të Ligës së Kombeve ndaj Islandës që luhet më 27 shtator në “Air Albania”, që nis në ora 20:45.
Lexo më tej: “Dy ndeshje vendimtare”: Reja e pranon, por mesfushën e ka ‘jashtë përdorimit’
Më poshtë, po ju njohim me programin paraprak mediatik dhe stërvitor të kombëtares kuqezi për këto 3 ndeshje. Të gjitha oraret e programit janë të përcaktuara sipas orës lokale shqiptare, por edhe asaj të Izraelit, ndërkohë që si zakonisht ky program mund të jetë subjekt i ndryshimeve.
PROGRAMI MEDIATIK E STËRVITOR
E hënë, 19 shtator 2022
Konferencë për median e dy lojtarëve të Kombëtares në Tropikal-Durrës, ORA 13:30
Seanca stërvitore e Kombëtares, ORA 17:30.
(E HAPUR VETËM 15 MINUTAT E PARA PËR MEDIAT)
E martë, 20 shtator 2022
Konferencë për median e dy lojtarëve të Kombëtares në Tropikal-Durrës, ORA 13:30
Seanca stërvitore e Kombëtares, ORA 16:00.
(E HAPUR VETËM 15 MINUTAT E PARA PËR MEDIAT)
E mërkurë, 21 shtator 2022
Konferencë për median e dy lojtarëve të Kombëtares në Tropikal-Durrës, ORA 13:30
Seanca stërvitore e Kombëtares, ORA 16:00.
(E HAPUR VETËM 15 MINUTAT E PARA PËR MEDIAT)
E enjte, 22 shtator 2022
Konferencë për shtyp e dy lojtarëve të ekipit kombëtar në Tropikal-Durrës, ORA 13:30
Seancë stërvitore, ORA 16:00.
(E HAPUR VETËM 15 MINUTAT E PARA PËR MEDIAT)
E premte, 23 shtator 2022
Konferencë zyrtare për shtyp e trajnerit dhe kapitenit, ORA 18:00, në Tel Aviv, Izrael. (sipas orës lokale të Izraelit)
Seanca zyrtare stërvitore në stadiumin e ndeshjes përpara sfidës Izrael-Shqipëri, ORA 18:30. (sipas orës lokale të Izraelit)
E shtunë, 24 shtator 2022
Ndeshja e Ligës së Kombeve, Izrael-Shqipëri, ora 20:45 (sipas orës lokale të Shqipërisë), në stadiumin “Bloomfield”, Tel Aviv”.
E diel, 25 shtator 2022
Seanca stërvitore në Tropikal – Durrës, ORA 17:00.
(E HAPUR VETËM 15 MINUTAT E PARA PËR MEDIAT)
E hënë, 26 shtator 2022
Konferencë zyrtare për shtyp e trajnerit dhe kapitenit, ORA 17:30, në Tropikal, Durrës.
Seanca zyrtare stërvitore në Tropikal, Durrës përpara sfidës Shqipëri- Islandë, ORA 18:00.
(E HAPUR VETËM 15 MINUTAT E PARA PËR MEDIAT)
E martë, 27 shtator 2022
Ndeshja e Ligës së Kombeve, Shqipëri- Islandë, ora 20:45, në stadiumin “Air Albania”, Tiranë.