• |
ide | kryesore

Abraham, ndjesë tifozëve për rastet e humbura, Mourinho ironik me arbitrin: “Do u them lojtarëve të hidhen brenda zones”

-Instant, Sport
Abraham

Tammy Abraham bën mea culpa pas ndeshjes ndaj Atalantës dhe fokusohet te sfida me Interin. Kundër zikaltërve do të luhet pas pushimit për impenjimet e kombëtares: “Më falni për këtë rezultat. Do të kthehem më i fortë dhe do të bëj më mirë”, ka shkruar në rrjetet sociale sulmuesi. Anglezi sidoqoftë u duartrokit nga tifozët e Romës në momentin e zëvendësimit, pavarësisht gabimeve të shumta para portës. Ashtu si kundër Deas, edhe në ndeshjen e San Siros, Abraham mund të luajë sërish pa Paulo Dybala. Argjentinasi ndjeu një problem në aduktorin e majtë gjatë nxemjes dhe është në dyshim për ndeshjen e Milanos. Ashtu si Lorenzo Pellegrini.


Dy lojtarët, të dy të grumbulluar nga kombëtaret përkatëse, do të respektojnë thirrjen. Ata do të shkojnë në grumbullim, por do të vlerësohen nga stafi mjekësor i Italisë dhe Argjentinës dhe mund të kthehen në Trigoria, nëse konfirmohen dëmtimet.


Lexo më tej: Video/ Atalanta ‘pushton’ Romën: dëmtohet Dybala, përjashtohet Mourinho

“Shpresojmë t’i rikuperojmë brenda 15 ditësh”, tha pas humbjes me bergamaskët José Mourinho. Portugezi në fillim të pjesës së dytë u përjashtua për protesta nga arbitri Chiffi. E për këtë arsye tekniku do të humbasë rikthimin e shumëpritur në San Siron zikaltër. “Nëse një arbitër më thotë se nuk është kurrë penallti nëse një lojtar nuk hidhet, atëherë unë duhet të ndryshoj qëndrimin me lojtarët e mi. Do t’u them atyre të hidhen brenda zonës, përndryshe nuk do na japin penallti”, tha Special One mbi episodin e kartonit të kuq.


1 Comment

Lini një Përgjigje

Adresa juaj email s’do të bëhet publike.