• |
ide | kryesore

Propozimi i ministres zvicerane: Bëni dush në çift të kurseni energjinë

-Instant, Arkiva, Lapsi Leaks



Ministria e mjedisit e Zvicrës po promovon masa për të reduktuar konsumin e energjisë me 15% këtë dimër. Por propozimi i saj ka shkaktuar mjaft reagime. Bëhet fjalë për këshillën që çiftet të bëjnë dush së bashku.

Gazeta britanike “The Times” raporton se deklarata është bërë nga ministrja Simonetta Sommaruga, 62 vjeç. Ai këshilloi qytetarët e saj që të “fikin kompjuterin kur nuk u nevojitet, të fikin dritat ose të bëjnë dush së bashku”.

Propozimi është pritur me mosbesimin në vend. Për këtë shkak ministrja Sommaruga është detyruar të sqarojë deklaratën. Ajo tha se këshilla u adresohej kryesisht të rinjve. Ajo pranoi se “pas një moshe të caktuar, dushi së bashku nuk është më i përshtatshëm për të gjithë”.

Megjithatë, ajo shtoi se ideja në përgjithësi kishte ecur mirë. Sipas saj, kjo deklaratë kishte rritur ndërgjegjësimin e njerëzve për nevojën e kursimit të energjisë sidomos gjatë muajve të dimrit.

Geraldine Savary, redaktore e revistës së grave “Femina” u shpreh kundër idesë. Ajo ka akuzuar ministrat se po përpiqen të “administrojnë jetën private të njerëzve deri në detajet më të parëndësishme”.

Ajo u tall me këtë ide në një editorial ironik. Gazetarja shkruante duke u tallur se “zviceranët duhet të bëjnë dashuri çdo mëngjes për t’u ngrohur pasi të fikin ngrohjen gjatë natës, të bëjnë një dush të shpejtë së bashku dhe të shkojnë në zyrë “krah për krah” pasi të kenë lënë makinën, skuterin apo biçikletën elektrike në garazh”. ©LAPSI.al



Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *