• |
ide | kryesore

E kapi nga fyti dhe e hodhi përtokë: David Silva e pëson për sherrin me një grua gjatë pushimeve

-Instant, Sport
David Silva



Nuk është fare e bukur historia që përfshiu mesfushorin spanjoll David Silva. Lojtari i Real Sociedad, në qershor, teksa ishte me pushime, u përfshi në një sherr që shpërtheu mes një grupi personash. Silva dyshohet se ka goditur një grua duke e rrëzuar përtokë dhe për këtë është dënuar nga gjykata me gjobë.

Një gjykatë spanjolle e shpalli fajtor ish-mesfushorin e Manchester City, David Silva për plagosjen e një gruaje gjatë një përleshje. Në dokumentet e gjykatës, të raportuar nga Associated Press, thuhet se ngjarja ka ndodhur në qershor. Incidenti ndodhi gjatë festës së karnavaleve në Ishujt Kanarie, ku shpërtheu një sherr mes një grupi personash, futbollistit të Real Sociedad dhe miqve të tij. Sipas gjykatës, Silva e ka kapur me forcë gruan duke e bërë të rrëzohet.

Lexo më tej: Lazio e priste, Sociedad e prezanton. Tare i tërbuar: “Pres shpjegime”

Gruaja vuajti nga dhimbje shpine, mavijosje dhe gërvishtje në bërryla dhe gjunjë. Të gjitha probleme të raportuara nga një spital lokal. Për këtë arsye gjykata vendosi të vendosë një gjobë prej 1080 euro për David Silva. Mesfushori luan për klubin spanjoll Real Sociedad që nga viti 2020. Ai u bashkua me baskët si parametër zero nga Manchester City. 36-vjeçari është fitues i Kupës së Botës dhe katër herë kampion i Premier League. Nga kjo histori, që gjithsesi nuk pati pasoja të mëdha për të në planin ekonomik, ai nuk del shumë mirë…



1 Comment

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *