Roberto Mancini shijon fitoren 1-0 ndaj Anglisë në Ligën e Kombeve dhe tashmë po shikon përpara: “Është një rezultat shumë i rëndësishëm sepse na lë të qetë për çështjen e kokës së serisë për shortin (e Euro 2024, red.) E pastaj, kemi mundësinë të renditemi të parët në grup – tha trajneri i Italisë për mikrofonin e Rai Sport-. Për më tepër, mundëm Anglinë, që është një nga skuadrat më të forta në botë”.
Italia, për shkak të forcave madhore, iu desh të ndryshonte sistemin e lojës, duke u mbështetur në mbrojtjen me tre lojtarë. Por, e bëri këtë, pa e denatyralizuar filozofinë e saj. Pikërisht këtë ka vlerësuar edhe tekniku: “Siç e kam thënë edhe herë të tjera, sistemi i lojës nuk ka rëndësi. Ajo që ka rëndësi është personaliteti që ka një ekip, dëshira për të sulmuar dhe për të qëndruar lart. Është e qartë se kemi ende vështirësi objektive sepse kemi lojtarë të rinj. Ata nuk kanë përvojën e kombëtareve të tjera, por është një fitore e rëndësishme sepse po kalojmë një moment vuajtje”.
Lexo më tej: Euro 2020 nuk i vlen Mancinit, trajneri më i mirë është Tuchel: mbreti i golave është Haaland
Tani Mancini duhet ta luajë vendin e parë të Grupit kundër Hungarisë. Magjarët sapo kanë mposhtur Gjermaninë dhe janë një skuadër që duhet respektuar, por tekniku përqendrohet tek të tijtë: ” Të jep kënaqësi të luash një objektiv të tillë në një grup me Gjermaninë dhe Anglinë. Për më tepër që ne luajtëm me shumë lojtarë të rinj”.