Çiklisti holandez Mathieu van der Poel u arrestua në prag të garës elitare rrugore në kampionatin botëror që po zhvillohet në Australi. Incidenti ka ndodhur pas një sherri gjatë natës me fqinjët e zhurmshëm dhe është bëri i ditur nga policia. 27-vjeçari ishte ndër favoritët për fanellën e fituesit. Ai e filloi garën prej 266.9 km rreth qytetit bregdetar të Wollongong, në jug të Sidneit, por u tërhoq pas vetëm 30 km. “Është e vërtetë, po – i tha van der Poel transmetuesit belg Sporza –. Pata një kontradiktë me fqinjët e zhurmshëm dhe këtu janë mjaft të ashpër”.
Van der Poel u lirua me kusht, por do të dalë para gjykatës të martën e ardhshme. “Nuk munda të kthehesha në dhomën time deri në katër të mëngjesit. Sigurisht që nuk është ideale. Është një fatkeqësi, por nuk mund të bëj asgjë. Po përpiqem të dal nga kjo histori sa më mirë që mundem,” tha ai. Policia e Neë South Wales konfirmoi se ka pasur një sherr në një hotel të Sidneit dhe se një 27-vjeçar u akuzua për sulmin ndaj dy vajzave 13 dhe 14-vjeçare. Por policia nuk bëri të ditur emrat e tyre. “Burri i ka shtyrë të dy adoleshentet, njëra ra në tokë dhe tjetra u shty pas një muri duke i shkaktuar një gërvishtje të lehtë në bërryl”. Policia u thirr nga drejtuesit e hotelit dhe “arrestoi një burrë 27-vjeçar me akuzën për agresion të zakonshëm”.
SQARIMI
“Po është e vërtetë, ka pasur një debat të vogël”, konfirmoi për gazetarët Van der Poel para garës. Ciklisti ka dhënë edhe versionin e tij të fakteve. “Doja të flija herët mbrëmë, por në korridorin e hotelit kishte shumë fëmijë që më trokisnin vazhdimisht në derë. Pas pak u lodha dhe u thashë, në mënyrë jo shumë të qetë, të ndalonin”.
Van der Poel pati një sezon të jashtëzakonshëm me fitore në Dwars Door Vlaanderen dhe Tour of Flanders. Ai mori një vend të tretë në Milan-Sanremo, doli i katërti në Garën e Amstel Gold dhe i nënti në Paris-Roubaix.