• |
ide | kryesore

Ç’po ndodh në Kinë/ Shtohen zërat se ushtria ka bërë grusht shteti

-Instant, Arkiva, Lajme, Të fundit
xi

Shtohen thashethemet se në Kinë ka pasur një grusht shteti të ushtrisë. Lajmet vijnë kryesisht nga mediat aziatike. Këtë të hënë i ka kushtuar vëmendje situatës edhe prestigjiozja britanike “The Guardian”.


Por çfarë ka ndodhur.


Në Pekin pritet me interes një mbledhje e rëndësishme e Partisë Komuniste Kineze. Bëhet fjalë për Kongresin që mblidhet 2 herë në një dekadë. Në mbledhje të tilla elita politike riorganizohet. Presidenti Xi Jinping pritet të riemërohet si kreu i komisionit partiak dhe ushtarak në takim. Në vitin 2018 ai hoqi kufirin për ta mbajtur këtë post edhe më shumë se 2 mandate. Më pas nisi një fushatë të gjatë kundër korrupsionit në radhët e partisë së vetme në vend. Kjo u pa që synonte gjithashtu edhe shumë kundërshtarë politikë.

Të dielën, media shtetërore njoftoi se ishte finalizuar lista e delegatëve të komitetit qendror të PKK që numëro pothuajse 2300 persona. Përfshirja e Xi në listë hodhi poshtë më tej thashethemet e mediave sociale që ishin qarkulluar që nga e shtuna për një grusht shteti ushtarak. Pretendimet bazoheshin kryesisht në anulimet masive të fluturimeve nga Kina.

Nuk ka asnjë detaj tjetër për një grusht shteti. Fillimisht ishte një hashtag në rrjetin Ëeibo që shkaktoi rrëmujën. “Aeroportet në të gjithë vendin po anulojnë fluturimet” – shkroi një prej profileve që u shpërnda nga më shumë se 200 mijë njerëz gjatë fundjavës. Ishin të shumtë ata që u tallën me këto thashetheme. Ata vunë në dukje mungesën e ndonjë dëshmie të një kontrolli të ri politik në Pekin.

LEXO EDHE: Xi Jinping barazohet me Mao Ce Dunin, fuqi absolute mbi Kinën

Drew Thompson, një studiues në Shkollën e Politikave Publike tha se një grusht shteti në Kinë nuk ishte plotësisht i papranueshëm. Sipas tij, Xi kishte shfaqur shqetësim për perspektivën në të kaluarën. Thashethemet se Xi Jinping është arrestuar vjen në një moment të ndjeshëm politik në Kinë. Tani gjyqet (dhe dënimet) e zyrtarëve të lartë kanë krijuar një atmosferë të rëndë.

Thompson, një ish-zyrtar i Departamentit Amerikan të Shtetit i tha Guardian se mediat shpesh e ekzagjeronin situatën. Kongresi i partisë është një proces i fshehtë i shpërndarjes së pushtetit. Lëvizjet në postet më të larta nuk shpallen deri në ditën e fundit. Xi ka munguar në sytë e publikut që kur u kthye në Kinë nga Samiti i SCO-së në Uzbekistan fundjavën e kaluar. Vëzhguesit thanë se ai ka të ngjarë të jetë në karantinë.

“Është një histori për paqartësinë dhe pasigurinë rreth trashëgimisë kineze të nivelit të lartë. Xi Jinping ka krijuar një paradigmë krejtësisht të re ku nuk është identifikuar asnjë pasardhës. Kjo ka ngritur pikëpyetje se si do të dukej pasardhësi” – tha Thomson.

Qeveria e Kinës nuk ka reaguar ndaj këtyre thashethemeve. Autoritetet kanë sqaruar se anulimet e fluturimeve lidhen me pandeminë.
Kongresi i partisë fillon më 16 tetor. Mbledhja bëhet në Sallën e Madhe të Popullit të Pekinit. Ajo është e mbyllur për publikun, por është data më e rëndësishme në ciklin politik 5-vjeçar të PKK. Ka spekulime se Xi mund të konsolidojë më tej pushtetin me promovimin e aleatëve më të fortë në pozita të larta. Thuhet se ai do të rikthejë titullin “udhëheqës i popullit”, i papërdorur që nga koha e Mao Ce Dunit. ©LAPSI.al


8 Comments

  1. Qe te rrini te qete, nuk ka as grusht shteti dhe asnje hale-news sic po bejne dhe do vazhdojne se jane drejt fundit.
    Ka dyevente te medha ne kine te cilat kerkojne prezence ushtarake
    1. Kongresi i PCC
    2. Reforma ne ushtri dhe mbrojtje

    Edhe sikur te duan ta bejne te vertete, nuk qendron pasi po ta ndiqni me kujdes ata qe mund te mendohej se do te ishin pasuesit e postgrushtetit, jane tre personazhe te cilet para 4 diteve jane denuar me vdekje. Kjo do te thote qe po te ishte nen arrest nuk do te kishte fuqi te influenconte ne denimin e tyre.

    Si gjithmone edhe me parate ruse qe perhapen lajmin ju shkerdhy lajmi brenda 3 diteve se nuk kishte asgje te vertete, iku Italia dhe fitoi ajo qe nuk ishte fare ne listen e parave ruse sic thonin,
    E njejta gje vlen edhe per shqiperine e gjithe te tjeret…..
    do te shohim edhe te tjera qeveri mutiste, ndjese majtiqiste, ne europe qe do shkojne ne hale te gomereve…..

Lini një Përgjigje

Adresa juaj email s’do të bëhet publike.