• |
ide | kryesore

Anglia në Ligën B, Franca e treta më e keqe: Nations League ndez alarmin e të mëdhave para Botërorit

-Instant, Sport
Nations League

Anglia zbriti në Ligën B, Franca shpëtoi por ishte e treta më e keqe dhe gjithashtu edhe Gjermania është në vështirësi. Nga ndeshjet e fundit të grupeve të Nations League duket qartë kriza e rezultateve të kampionëve në fuqi të botës. Në fakt jo vetëm atyre, sepse edhe Gjermania nuk ka shkëlqyer. E dy muaj nga Katar 2022, për gjigantët e Europës alarmi është ndezur.


Belgjika, Portugalia dhe Spanja janë pak më mirë, por fisnikëria e futbollit nga kontinenti i vjetër sigurisht që nuk shkon në formëm më të mirën në kampionatin botëror.


Ndoshta faji për rezultatet e dobëta të emrave të mëdhenj i takon edhe kalendarit të veçantë të këtij sezoni. Prej tij kombëtaret paguajnë çmimin më të lartë të shtrënguar nga nevojat e klubeve. Katër raundet e Nations të mbledhura në disa javë në fund të sezonit të kaluar. E pastaj dy ndeshjet e fundit në këto ditë, i kanë detyruar trajnerët të mendojnë për zgjedhjet. Kështu, hapësirë eksperimenteve duke zgjeruar gamën e tyre të lojtarëve. Por në çdo rast është e drejtë që të bjerë një zile alarmi me zë të lartë. Pastaj do të jetë Kupa e Botës që do të japë vendimin.

Ndërkohë, vendimet e Nations League mund të kenë pasoja të rënda në rrugën e Italisë drejt kampionatit të ardhshëm europian. Kjo sepse në shortin e grupeve kualifikuese për Euro 2024, të planifikuar për më 9 tetor, blutë e Mancinit rrezikojnë. Ajo që i trembet Italia është përballja me një mes Anglisë dhe Francës, sipas asaj që parashikon rregullorja. Përveç katër skuadrave që do të shkojnë në Final Four, në vazon 1 do të jenë nënkampionët e katër grupeve në Ligën A plus dy të tretat më të mira.


Lini një Përgjigje

Adresa juaj email s’do të bëhet publike.