Policia e Shkodrës ka shpallur në kërkim Martin Përgjinin. Ai është në kërkim si autor i dyshuar të vrasjes së 44-vjeçarit mbrëmë në Pukë. Nuk dihen ende më shumë detaje në lidhje me arsyet e vrasjes apo konfliktit ndërmjet viktimës dhe autorit.
44-vjeçari Pjetër Kola mbeti i vdekur mbrëmjen e djeshme në Shkodër, pasi u qëllua me armë zjarri. Menjëherë pasi u paraqit në Qendrën Shëndetësore, ai u transportua në spitalin e Shkodrës për të marrë mjekim më të specializuar, por fatkeqësisht ndërroi jetë.