• |
ide | kryesore

Google i hedh gabimisht në llogari 250 mijë $ një personi

-Instant, Arkiva, Lajme, Të fundit
250



Shkon të shohësh llogarinë bankare dhe gjen 250 mijë dollarë pa asnjë arsye. Kjo është historia që i ka ndodhur amerikanit Sam Curry, inxhinier i IT-së dhe ekspert i sigurisë kibernetike.

Ishte një pasuri që Curry nuk donte ta përfitonte, ndoshta edhe për shkak të reputacionit të atij që ia kishte hedhur ato në llogari. Në fakt, ishte Google ai që organizoi operacionin bankar. Paradoksi u bë pothuajse komedi kur Curry u përpoq në çdo mënyrë të kontaktonte gjigantin për të raportuar anomalinë, por nuk mori asnjë përgjigje.

“Nëse nuk i doni, është në rregull për mua”, – shkroi Curry në një postim ironik në rrjetet sociale.

Pavarësisht profesionit të tij, Curry ishte i sigurt se nuk kishte pasur ndonjë marrëdhënie pune me gjigantin e internetit. Sipas tij transferimi duhej të ishte një gabim. I vetëdijshëm për këtë, inxhinieri vendosi të kontaktojë drejtpërdrejt me “bamirësin”. Ai i shkroi kompanisë për të kthyer shumën. Një email që mbeti çuditërisht pa përgjigje.

“Kanë kaluar pak më shumë se 3 javë që kur Google më dërgoi aksidentalisht 249,999 dollarë, por nuk kam ende përgjigje” – shkroi Curry në Twitter. Më pas ai shtoi: “Nëse nuk i doni që ato t’u kthehen. Kjo është në rregull për mua”.

Në fund, ndoshta edhe falë mbulimit mediatik, Google u përgjigj. “Ekipi ynë së fundmi ka bërë një pagesë për një përfitues të gabuar për shkak të një gabimi njerëzor.

Ne vlerësojmë faktin që na është komunikuar menjëherë nga i interesuari. Po punojmë për ta korrigjuar”, – ka konfirmuar një përfaqësues i kompanisë. Lajm i mirë për qetësinë e Curry-t, por më pak për portofolin e tij.

https://twitter.com/samwcyo/status/1569897392560050178?ref_src=twsrc%5Etfw%7Ctwcamp%5Etweetembed%7Ctwterm%5E1569897392560050178%7Ctwgr%5E9d8d72ff843599ab9d7703bba514cb2d45faef36%7Ctwcon%5Es1_c10&ref_url=https%3A%2F%2Fwww.tgcom24.mediaset.it%2Ftgtech%2Fgoogle-gli-accredita-per-sbaglio-250mila-dollari-lui-non-riesce-a-restituirli_55365632-202202k.shtml



2 Comments

  1. Pergjigja e Google eshte e padenje per nje gjest te rralle ne ditet tona. Meritonte shume me teper inxhinjeri i IT e jo justifikim te thjeshte te nje punonjesi te kompanise.

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *